СичIыпIэгъу лъапIэхэр!
Адыгэ Республикэм щыпсэухэу лъытэныгъэ зыфэсшIыхэрэр!Непэ тихэгъэгу хегъэунэфыкIы итарихъкIэ мэхьанэшхо зиIэ мэфэкIхэм ащыщыр – Донецкэ Народнэ Республикэр, Луганскэ Народнэ Республикэр, Запорожскэ, Херсон хэкухэр Урысые Федерацием къызыхэхьажьыгъэхэ Мафэр.ИлъэсиплIкIэ узэкIэIэбэжьмэ къэхъугъэгъэ хъугъэ- шIагъэхэр мыщ фэдэ мафэм тыгу къэкIыжьых: Донецкэ, Луганскэ народнэ республикэхэм, Запорожскэ, Херсон хэкухэм арыс миллион пчъагъэхэр яшIоигъоныгъэ тетэу Урысыем къыхэхьажьыгъагъэх. Кремлевскэ ордэунэшхом и Георгиевскэ зал шъолъырыкIэхэр Урысыем къызэрэхэхьажьыхэрэм фэгъэхьыгъэ тарихъ зэзэгъыныгъэхэм щакIэтхэгъагъэх.Мэхьанэшхо зиIэ ащ фэдэ унашъор аштэныр къызыхэкIыгъэр тилъэпкъхэм лIэшIэгъубэ къызэпызычыгъэ тарихъ, культурэ зэпхыныгъэ пытэхэр, зы гушъхьэлэжьыгъэ зэрэзэдыряIэр, зы тарихъ гъогу къызэрэзэдакIугъэр ары. Донбассрэ Новороссиемрэ арысхэм къыхахыгъэр мамырныгъэр, щынэгъончъагъэр, Урысыем игъусэхэу янеущырэ мафэ агъэпсыныр ары.Адыгеир сыдигъуи шIушIэ Iофтхьабзэхэм чанэу ахэлажьэ, тигуфакIохэм, предпринимательхэм, общественнэ организациехэм шъолъырыкIэхэм ащыпсэухэрэм, Урысыем идзэкъулыкъушIэхэу Iашэр зыIыгъхэу тарихъ зэфагъэр зыпкъ изыгъэуцожьыхэрэм, ти ТекIоныгъэ къытфэзыгъэблагъэхэрэм IэпыIэгъоу аратырэм яIахьышIу хашIыхьэ.СичIыпIэгъу лъапIэхэр, мыщ фэдэ мафэм псауныгъэ пытэ шъуиIэнэу, шъуиунэгъо Iофхэр зэпыфэнхэу, неущырэ мафэр нахьышIу зэрэхъущтым шъуицыхьэ телъынэу, мамыр огур шъуашъхьагъ итынэу сышъуфэлъаIо!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат