ХьакIэмыз Ф. ихъарзынэщ
Адыгэ лъэпкъ литературэм икъежьапIэ щытыгъэ усэкIо цIэрыIоу Хьаткъо Ахьмэд къызыхъугъэр илъэси 125-рэ зэрэхъурэм фэгъэхьыгъэу Хьатыгъужъыкъое гурыт еджапIэу усакIом ыцIэ зыхьырэм икIэлэегъаджэу ХьакIэмыз Фатимэ «ЦIыфыр щэрэI, щыIэмэ хъяр!» зыфиIорэ Iофтхьабзэр зэхищагъ.
Фатимэ илъэс 30-м ехъугъ Хьатыгъужъыкъое еджапIэм хьакIэщ зыщигъэпсыгъэр. Адыгэхэм агъэфедэщтыгъэ ыкIи агъэлъапIэщтыгъэ пкъыгъохэмкIэ ар ыгъэкIэрэкIагъ. Адыгэ хабзэр ыкIи адыгабзэр мы хьакIэщым кIэлэегъаджэм щарегъэхьы. КIэлэеджакIохэм адыгабзэр нахь куоу зэрагъэшIэнымкIэ хьакIэщым IофшIэнышхо щашIэ.— Лъэшэу дгъэлъэпIэрэ усэкIошхом фэгъэхьыгъэ Iофтхьабзэр еджакIохэмкIэ шIэныгъэкIуапIэу редгъэкIокIыгъ. УсэкIошхом итворчествэ тытегущыIагъ, иусэхэм, итхыгъэхэм къахэхыгъэ пычыгъохэм еджакIохэр къяджагъ. Итхылъхэр, итхыгъэхэу гъэзетхэм, журналхэм къарыхьэщтыгъэхэр еджапIэм ихъарзынэщ хэлъых. Къуаджэр зэрыгушхорэ усэкIошхом итворчествэ ныбжьыкIэхэм ятэгъашIэ, — къыIуагъ Фатимэ.Хьаткъо Ахьмэд зыщымыIэжьыр илъэсыбэ хъугъэми, илэжьыгъэшIу цIыфхэм, иадыгэ лъэпкъ ныбжьырэу къафигъэнагъ.
Лъэпшъыкъо Фатим.