Хэгъэгу кIоцI IофхэмкIэ Министерствэм икъулыкъоу полицием иIофышIэхэм хабзэр амыукъоным лъыплъэрэм иоперативникхэмрэ щынэгъончъэнымкIэ Федеральнэ къулыкъум ишъолъыр ГъэIорышIапIэ иIофышIэхэмрэ Тэхъутэмыкъое районымкIэ полицием иотдел иIофышIэ хабзэр ыукъаугъэу къаубытыгъ.
Оперативнэ-лъыхъон Iофтхьабзэхэм къызэрагъэнэфагъэмкIэ, ащ гъогу хъугъэ-шIагъэр зэхифызэ, къуалъхьэ къаIихи, зимысагъэ хэлъым игъэунэфынкIэ тхылъхэм къэбар нэпцI аритхагъ.Урысыем СледствиемкIэ и Комитет следствиемкIэ и ГъэIорышIапIэу АР-м щыIэм ащ ифэшъошэ унашъо ышIыгъ. Полицием иIофышIэ имысагъэ къэушыхьатыгъэ хъумэ, ар хэгъэгу кIоцI IофхэмкIэ къулыкъум исатырхэм ахагъэкIыщт, хэбзэгъэуцугъэм диштэу пшъэдэкIыжь рагъэхьыщт.