Илъэс пчъагъэ хъугъэу лъэпкъ культурэм фэлажьэ. Адыгэхэм яшъуашэ дунаим щаригъэшIагъ. Шъуашэм имызакъоу, тишэн-хабзэхэри, титарихъ, тигупшысэкIэ-еплъыкIэ нэмыкI цIыф лъэпкъхэм афиIотагъ. Дунаим тет адыгэхэм СтIашъу Юрэ зэлъашIэ, шъхьэкIэфэныгъэ къыфашIы, алъытэ.Адыгэ лъэпкъ шъуашэм и Мафэ агъэнафэ зэхъум СтIашъу Юрэ имэфэкI рыгъозагъэх — ар къызыхъугъэ мафэр къыхахыгъ. ИIофшIэн зэрэфэшъыпкъэм, лъэгэпIэ инхэм зэранэсыгъэм мыр ишыхьат.Илъэс пчъагъэхэм Адыгэ Хасэм ихэсашъхьэ Юрэ хэт, нахьыжъ гъэшIуагъэу къыддэлажьэ.Псауныгъэ пытэ иIэнэу, игъашIэ кIыхьэ хъунэу Юрэ тыфэлъаIо, нахьыжъышIоу къытхэтынэу Тхьэм телъэIу.
Республикэ Адыгэ Хасэм ихэсашъхьэ хэтхэр.