БлэкIыгъэ гъэпсэфыгъо мафэхэм, зэрэреспубликэу фэдэу, къалэу Мыекъуапэ бжыхьэ шэмбэтшIыхьаф щыкIуагъ. ЗыгъэпсэфыпIэхэр, щагухэр, общественнэ ыкIи гъогухэм къапэIулъ чIыпIэхэр агъэкъэбзагъэх.
Анахьэу анаIэ зытырагъэтыгъэр Мыекъуапэ икъохьэпIэ лъэныкъу. Къалэм иучреждение зэфэшъхьафхэм яIофышIэхэм КъокIыпIэмрэ «Михайлово» зыфиIорэ чIыпIэмрэ, гъогубгъухэр агъэкъэбзагъэх.Мыхэм зэтырихьэгъэ хэкIыр, къутэмэ ыкIи тхьэпэ гъугъэхэр щаIуащыгъэх, техники 7 укъэбзын IофшIэнхэм афэгъэзэгъагъ, пстэумкIи Iуащыгъэр хэкI кубометри 100 фэдиз.IофшIэнхэр къалэм ичIыпIэ пстэуми ащыкIуагъэх. Предприятиехэм, организациехэм яIофышIэхэр, гуфакIохэр, къалэм изытет ыгъэгумэкIырэ цIыф къызэрыкIохэр чанэу шэмбэт шIыхьафым хэлэжьагъэх.Хэти фэлъэкIыщтымкIэ къалэм икъэбзэныгъэ иIахь хишIыхьан фае, тикъалэ зыфэдэщтыр тэ тIэ илъ.