ФутболымкIэ Адыгэ Республикэм и Къэралыгъо Совет — Хасэм ишIухьафтын зэрылъ Кубокым икъыдэхын икIэух едзыгъо къэблагъэ.
Финалныкъом ихьэгъэ командэхэм яешIэгъухэр мы зыгъэпсэфыгъо мафэхэм стадионэу «Юностым» щыкIощтых.Шэмбэтым зэIукIэщтых «Урожаимрэ» «Теуцожь районымрэ». Тхьаумафэм зэдешIэщтых «Кавказ-Адэмыемрэ» «Адыгэкъалэрэ». КомандиплIыми муниципалитет зэфэшъхьафхэр къагъэлъагъох, арышъ, ахэм язэIукIэгъухэр гъэшIэгъонэу зэрэкIощтхэм щэч хэлъэп.
ЕшIэгъуитIури мафэм сыхьатыр 4-м рагъэжьэщтых. Турнирым ифинал чъэпыогъум и 5-м республикэ стадионэу «Зэкъошныгъэм» щыкIощт.