Кушъхьэфэчъэ спортыр зыгу рихьыхэрэм апае Iофтхьэбзэ гъэшIэгъон республикэм икъэлэ шъхьаIэ щыкIощт. Мыр илъэс къэс Адыгеим ыкIи Мыекъуапэ ащызэхэщэгъэныр хэбзэшIу хъугъэ.
Пшъэрылъ шъхьаIэу иIэр цIыфхэм япсауныгъэ агъэпытэныр, кушъхьэфэчъэ спортым пыщагъэхэм япчъагъэ хэгъэхъогъэныр ары.Зигугъу къэтшIыгъэ Iофтхьабзэр Iоныгъом и 26-м Мыекъуапэ игупчэу «Зэкъошныгъэм» щаублэщт. Ащ хэлажьэ зышIоигъохэм пчэдыжьым сыхьатыр 6-м къыщегъэжьагъэу 6:45-м нэс зарагъэтхын фае. Ежь зэнэкъокъур сыхьатыр 7-м рагъэжьэщт. Илъэс 16 зыныбжьхэм къащегъэжьагъэу фаехэм зэкIэми заушэтын амал яIэщт.
ЗэхэщакIохэм къызэраIуагъэмкIэ, урамхэу Пионерскэм, Краснооктябрьскэм, Пролетарскэм,М. Горькэм ыцIэ зыхьырэм гъогууанэр апхырыкIыщт, урамэу Майкопскэм зэнэкъокъур щаухыщт.Iофтхьабзэм хэлажьэхэрэр зэрэзэнэкъокъущтхэм дакIоу, республикэм икъэлэ шъхьаIэ иархитектурэ, ичIыпIэ дахэхэр зэрагъэлъэгъунхэ алъэкIыщт.