КультурэмкIэ Министерствэр
2027-рэ илъэсым Адыгеим имодельнэ тхылъеджапIэхэм джыри плIы къахэхъощт. Лъэпкъ проектэу «Унагъор» зыфиIорэм къыдыхэлъытагъэу ащ фэдэ амал зыгъотыщтхэу Урысыем къыщыхахыгъэхэм Адыгеир ахэфагъ. Ащ изэфэхьысыжьхэмкIэ, Дондуковскэ кIэлэцIыкIу, Кощхьэблэ, Красногвардейскэ районхэм я Гупчэ ыкIи Шэуджэн районым ятхылъеджапIэхэр аужырэ шапхъэхэм адиштэу зэтырагъэпсыхьащтых.
АР-м культурэмкIэ и Министерствэ къызэритырэмкIэ, модельнэ тхылъеджэпIэ гъэкIэжьыгъэр псэолъэ закъоп. Ар тхылъыкIэхэр, зыныбжь икъугъэхэм ыкIи цIыкIухэм апае тIысыпIэхэр, зыгъэпсэфыпIэ гупсэфхэр, творческэ, культурнэ, гъэсэныгъэ Iофтхьабзэхэм апае чIыпIэхэр, технологиякIэхэм ягъэфедэнкIэ амалышIухэр. ЗэкIэмкIи модельнэ тхылъеджэпIэ 20 фэдиз непэ Адыгеим щэлажьэ.