«Кубаньэнерго»
«Россети-Къыблэм» икъутамэу «Кубаньэнерго» зыфиIорэм 2026-рэ илъэсым пыкIыгъэ мэзиим къыкIоцI электроэнергием епхыгъэ псэолъэ 611-рэ къыфэгъэзэжьыгъэ хъугъэ. Ахэр Краснодар краим и Апшеронскэ, Шытхьэлэ районхэм, Адыгэ Республикэм и Мыекъопэ, Джэджэ, Кощхьэблэ, Красногвардейскэ ыкIи Шэуджэн районхэм, къалэу Мыекъуапэ арытых.
Псэуалъэхэм Iоф зэрашIэрэм лъыплъэщтхэр загъэнафэхэм 163-р Адыгэ электрическэ сетьхэм яспециалистхэм афэгъэзагъэ хъугъэ. Джащ фэдэу компанием иактивхэм ахагъэхьагъэх электричествэм ирыкIуапIэу километрэ 650-рэ хъурэр.Электричествэм епхыгъэ псэуалъэу компанием къыратыжьыгъэхэр физическэ ыкIи юридическэ лицэхэм хэбзэгъэуцугъэм диштэу зэрамыгъэфедэщтыгъэхэм ыпкъ къикIэу хьыкумым иунашъокIэ къаIахыгъэх.«Кубаньэнергом» Краснодар краимрэ Адыгеимрэ ащыпсэухэрэм электричествэр аIэкIегъахьэ. 2025-рэ илъэсым къыщыублагъэу шъолъыритIум зэпыу фэмыхъоу электроэнергиер алъыIэсынымкIэ пшъэдэкIыжь зыхьырэ зыкI гупчэшхо ар хъугъэ.