Урысые Iофтхьабзэу «Кросс нации-2026-рэ» зыфиIорэм хэлэжьэнэу Адыгеим икъэ-лэ шъхьаIэ зегъэхьазыры.
Мыр 2004-м къыщегъэжьагъэу къэралыгъом щырагъэкIокIы, илъэс къэс чъэныр зыгу рихьырэ нэбгырэ миллионрэ ныкъорэм ехъумэ зыщаушэты.Адыгеим щыпсэухэу физическэ культурэм ыкIи спортым пыщагъэхэм япчъагъэ хэгъэхъогъэныр, ахэм япсауныгъэ агъэпытэныр — джары зэхэщакIохэм пшъэрылъ шъхьаIэу зыфагъэуцужьырэр.Iофтхьабзэм изэхэщэн фэгъэзагъэх АР-м физическэ культурэмкIэ ыкIи спортымкIэ и Комитетрэ Адыгеим атлетикэ псынкIэмкIэ ифедерациерэ.
«Кросс нации» зыфиIорэм фаехэр зэкIэ хэлэжьэнхэ алъэкIыщт. Аныбжь елъытыгъэу къачъыщт метрэ пчъагъэр зыфэдизыр зэфэшъхьаф. Iофтхьабзэм ухэлэжьэным пае уипсауныгъэ изытет шапхъэхэм зэрадиштэрэр къэзыушыхьатырэ тхылъэу врачым къыритхыкIыгъэр пIыгъын фае. Iоныгъом и 26-м пчэдыжьым сыхьатыр 10-м зэнэкъокъур аублэщт.Тхьапэм тет лъэIу тхылъхэр Iоныгъом и 21-м къыщегъэжьагъэу и 25-м нэс республикэ стадионэу «Зэкъошныгъэм» икъокIыпIэ трибунэ дэжь щаIахыщтых. Ащ дакIоу, зызыушэты зышIоигъохэм федеральнэ ыкIи муниципальнэ фэIо-фашIэхэм я ЗыкI портал шIокI имыIэу зыщарагъэтхын фае.ТекIоныгъэр ыкIи хагъэунэфыкIырэ чIыпIэхэр къыдэзыхыгъэхэм Урысыем спортымкIэ и Министерствэ ыгъэхьазырыгъэ медальхэр, дипломхэр ыкIи шIухьафтынхэр афагъэшъошэщтых.