Мыекъуапэ фэтэрыбэу зэхэт унэу дэтхэм ащыщэу урамэу Cпортивнэм тетым иятфэнэрэ къат илъэситIу зыныбжь шъэожъыер къизыгъ.
Хъугъэ-шIагъэм изэхэфын фэгъэзэгъэ къулыкъухэм къызэратыгъэмкIэ, сабыир псау, ау шъобж хьылъэхэр тещагъэхэу реанимацием илъ: шъхьэкуцI зэхэтыр фыкъуагъэ, зэпыкIыгъэхэр иIэх. ИщыIэныгъэ къэгъэнэжьыгъэным фэшI ищыкIагъэр зэкIэ рашIылIэ. СледствиехэмкIэ къулыкъум иIофышIэхэм тхьамыкIагъор къызщыхъугъэр ауплъэкIугъ. АР-м следствиехэмкIэ и ГъэIорышIапIэ ипащэ иIэпыIэгъу нахьыжъэу КIыкI Бислъан къызэриIуагъэмкIэ, шъэожъыер янэ дисыгъ, ау зытеплъэхъукIым, шъхьаныгъупчъэу къыIуихыгъэм изыгъ. ДжырэкIэ мы Iофым епхыгъэ зэхэфынхэр макIох, хъугъэ-шIагъэм ылъапсэ агъэунэфы.