Ассоциациер
Лъэпкъ IэшIагъэхэмкIэ Адыгеим и Ассоциацие видоехъарзынэщым игъэхьазырын ыублагъ.
Лъэпкъым къыхэнэгъэ пкъыгъохэм якъэухъумэн, язегъэушъомбгъун афэIорышIэрэ проектэу «Лъэпкъ IэшIагъэхэм ядунай» зыфиIорэм къыдыхэлъытагъэу ар агъэцакIэ.Лъэпкъ культурэм и Гупчэ апэрэ видеотехынхэр щызэхащагъэх, пIуаблэм ишIын ар фэгъэхьыгъагъ. Мы пкъыгъор зэрымылъыгъэ адыгэ унэ щыIэщтыгъэп. Ащ итарихъ ыкIи ишIын ишъэфхэр къэзыIотагъэр АР-м изаслуженнэ сурэтышIэу, республикэм исурэтышIхэм я Союз хэтэу, искусствэхэмкIэ кIэлэцIыкIу еджапIэу Лъэцэрыкъо Кимэ ыцIэ зыхьырэм икIэлэегъаджэу Абрэдж Гощэфыжь.Шъугу къэдгъэкIыжьын, «Лъэпкъ IэшIагъэхэм ядунай» зыцIэ проектыр республикэ грантым ишIуагъэкIэ агъэцакIэ. Ащ къыдыхэлъытэгъэ апэрэ Iофтхьабзэу «IэпэIэсэ цIыкIу» зышъхьэр зэхащэгъах. ЯтIонэрэм къыдыхэлъытагъэу видеотехыгъэхэр агъэхьазырых. ПIуаблэм къыкIэлъыкIощтых дышъэидэм, пхъэкIычым яшIыкIэхэр.