АР-м псауныгъэр къэухъумэгъэнымкIэ и Министерств
Шэуджэн районым ипсэупIэу Дукмасовым дэт фельдшер-мамыку IэзапIэм игъэцэкIэжьын ыкIэм фэкIуагъ. Лъэпкъ проектэу «ГъэшIэ кIыхьэр ыкIи чаныр» зыфиIорэм IофшIэнхэр къыдыхэлъытэгъагъэх.
АР-м псауныгъэр къэухъумэгъэнымкIэ и Министерствэ къызэритырэмкIэ, федеральнэ бюджетым къыхэхыгъэ сомэ миллиониплIым ехъу гъэцэкIэжьынхэм апэIухьагъ. Псэуалъэр зэрэщытэу агъэкIэжьыгъ: унашъхьэр, пкъыр, лъэгур, псым ыкIи фабэм ярыкIуапIэхэр зэблахъугъэх. ЧIэхьапIэр зэрифэшъуашэу зэтырагъэпсыхьагъ, машIом зыкъыштэмэ, макъэ къэзыгъэIущт пкъыгъохэр агъэуцугъэх.Медицинэ псэуалъэхэм ягъэцэкIэжьын джащ фэдэу Кощхьэблэ район сымэджэщым, Яблоновскэ мэфэ IэзапIэм ыкIи Адыгэкъалэ исымэджэщ ащэкIох. ГъэкIэжьын Iофтхьабзэхэм яхьатыркIэ цIыфхэм Iэпыгъур нахь псынкIэу ыкIи Iэрыфэгъоу агъотын алъэкIыщт.— Аужырэ уахътэм Урысыем и Президентэу Владимир Путиным, партиеу «Единэ Россием» яшIуагъэкIэ псауныгъэр къэухъумэгъэным ипсэуалъэхэм ягъэкIэжьынкIэ къэралыгъом Iофышхо щызэшIуахы. ЦIыфхэм шэпхъэшIухэм адиштэрэ медицинэ IэпыIэгъу ягъэгъотыгъэныр тэркIэ шъхьаIэ, зэрафэгумэкIыхэрэр ахэм зэхашIэн фае, — къыIуагъ АР-м и ЛIышъхьэу КъумпIыл Мурат.