Адыгэ Республикэм хэгъэгу кIоцI IофхэмкIэ и Министерствэ уголовнэ Iофэу зэхифыгъэр зэпхыгъэр къуаджэу Кощхьаблэ щыщ бзылъфыгъэу илъэс 41-рэ зыныбжьым зэрихьэгъэ бзэджэшIагъэр ары.
Уголовнэ Iофыр къэзыIэтыгъэр Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапI, ащ зэхищэгъэ уплъэкIунхэмкIэ къаIэкIэхьэгъэ материалхэр лъапсэ хъугъэх. Урысые Федерацием и Уголовнэ кодекс ия 159.2-рэ статья ия 4-рэ Iахь зигугъу къышIырэ шхъухьэ ащ зэрихьагъ: узэу имыIэмкIэ тхылъ нэпцIхэр зэригъэгъотхи, социальнэ тынхэр къызIэкIигъэхьагъэх.Страховой пенсиеу фагъэнэфагъэм тетэу зэхэубытагъэу сомэ миллиони 2-м ехъу бюджет ахъщэу къызIэкIигъэхьан ащ ылъэкIыгъ.Уголовнэ Iофыр хьыкумым IэкIагъэхьагъ нахь игъэкIотыгъэу хэплъэным пае.