Урысыем и Следственнэ комитет Адыгэ РеспубликэмкIэ иследственнэ гъэIорышIапIэ ветеринар врачэу щытыгъэм фэгъэхьыгъэ уголовнэ Iофым изэхэфын ыухыгъ. Урысыем и Уголовнэ кодекс ия 290-рэ статья ия 5-рэ Iахь къыдилъытэрэ бзэджэшIагъэ ащ зэрихьагъ, иIэнатIэ къызфигъэфедэзэ къуалъхьэ къаIихыщтыгъ.
ЗэрагъэунэфыгъэмкIэ, 2023-рэ илъэсым чъэпыогъум къыщегъэжьагъэу 2024-рэ илъэсым тыгъэгъазэм нэс псэушъхьэ узхэм яIэзэгъэнымкIэ район станцием иветеринар врач унэе предпринимателым, шапхъэхэр ыукъохэзэ, справкэхэр ритыщтыгъэ аукIыщт псэушъхьэхэр ымыуплъэкIухэу. ЫпшъэкIэ зигугъу къэтшIыгъэ уахътэм къыкIоцI сомэ мин 463-рэ ащ къызIэкIигъэхьан ылъэкIыгъ.Уголовнэ Iофыр хьыкумым IэкIагъэхьагъ нахь игъэкIотыгъэу хэплъэным пае.