Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэм Федеральнэ хэбзэIахь къулыкъум Адыгэ РеспубликэмкIэ и ГъэIорышIапIэ икъэралыгъо инспектор шъхьаIэу Урысые Федерацием и Уголовнэ кодекс ия 285.3-рэ статья ия 2-рэ Iахь зигугъу къышIырэ бзэджэшIагъэ зезыхьагъэм уголовнэ Iоф къыфызэIуахыгъ.
ХэбзэухъумакIохэм зэрагъэунэфыгъэмкIэ, паспортхэм якопиехэу, лъэIу тхылъ нэпцIхэу хэбзэнчъэу къаIэкIэхьэрэ ахъщэр IэкIыб къэралыгъом ащэнымкIэ къызфагъэфедэн алъэкIыщтыгъэхэр IэубытыпIэ къызыфашIыхэзэ, къэралыгъо инспектор шъхьаIэмрэ ащ игъусагъэхэу зыщыщхэр амыгъэунэфыгъэхэмрэ хэбзэIахьыр зытырэм иидентификационнэ номер нэбгыри 4-мэ къазэрафагъэшъошагъэм ехьылIэгъэ къэбар мышъыпкъэхэр къэралыгъо реестрэ зыкIым рагъэхьагъэх.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэм оперативнэ-лъыхъон Iофтхьабзэу зэрахьагъэхэр IэубытыпIэ къызыфишIыхэзэ, уголовнэ Iофыр къызэIуихыгъ Урысые Федерацием и Следственнэ комитет Адыгэ РеспубликэмкIэ иследственнэ гъэIорышIапIэ.БзэджэшIагъэр зэрахьаным лъапсэ фэхъугъэхэм якъыхэгъэщын тегъэпсыхьэгъэ следственнэ Iофтхьабзэхэр джыдэдэм зэрахьэх.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу