ГандболымкIэ Урысыем ичемпионат и Суперлигэ хэт бзылъфыгъэ командэхэм ящэнэрэ турым къыдыхэлъытэгъэ ешIэгъухэр яIагъэх. Мыекъопэ «АГУ-Адыифыр» «Кубань» дешIагъ. Краснодар щыкIогъэ зэIукIэгъум бысымхэр нахь щылъэшыгъэх.
«Кубань» — «АГУ-Адыиф» — 33:28 (18:11).«Кубань» хэтыгъэх:КъэлэпчъэIутхэр — Пойловар, Чипула. Лебедевар — 10, Бардиж — 5, Савиновар — 4, Хьэкуамэр — 3, Промысленкэр — 3, Дорошенкэр — 3, Тихенкэр — 2, Овчинниковар — 1, Игнатенкэр — 1, Коняевар — 1.«АГУ— Адыифым» щешIагъэх:КъэлэпчъэIутхэр — Гобадзе, Черновар. Утаровар — 10, Федоровар — 3, Тулинар — 3, Бабинар — 2, Кожубековар — 2, Белолипецкаяр — 2, Луганцевар – 2, Краснокутскаяр — 1, Коваленкэр — 1, Кирилловар — 1.
ЕшIэгъум нэбгырэ 350-рэ фэдиз еплъыгъ. Ащ ипэублэ къыщегъэжьагъэу бысымхэр хэпшIыкIэу нахь лъэшэу джэгугъэх ыкIи апэрэ таймыр 18:11-у ахьыгъ. ЯтIонэрэ едзыгъоми зэхъокIыныгъэшхо фэхъугъэп. «Кубань» Iэгоуи 10-кIэ тапэ ишъэу уахътэ къыхэкIыгъ. «АГУ-Адыифым» итренерэу Никита Голуб тайм-аутхэр заулэрэ ыштагъ, типшъашъэхэм яешIакIэ зэблихъу шIоигъоу. Тикомандэ ятIонэрэ едзыгъор къыхьыгъэми, 28:33-у бысымхэм текIоныгъэр къыдахыгъ.ЗэIукIэгъум иешIэкIо анахь дэгъоу къыхагъэщыгъэр Джамиля Утаровар ары. Ащ къэлапчъэм Iэгоуи 10 дидзагъ. Мы къэгъэлъэгъон дэдэр иI «Кубань» хэт Анжелика Лебедевам.Ящэнэрэ турым изэфэхьысыжьхэр:«Башкирия» — «Звезда» — 26:38, «Динамо-Синара» — «Черноморочка» — 23:33, «Ростов-Дон» — «Университет» — 43:21, «Кубань» — «АГУ-Адыиф» — 33:28, «ЦСКА» — «Астраханочка» — 35:25, «Лада» — «Луч» — 29:25.Турнир таблицэм командищмэ пэрытныгъэр щаIыгъ. «АГУ-Адыифыр» я 10-рэ чIыпIэм щыт. Я 4-рэ турым ар Ижевскэ кIощт, чIыпIэ командэу «Университетым» дешIэщт.Командэхэр зыдэщыт чIыпIэхэр ыкIи очко пчъагъэу рагъэкъугъэр:
- «Ростов-Дон» — 6.
- «ЦСКА» — 6.
- «Черноморочка» — 6.
- «Астраханочка» — 4.
- «Звезда» — 4.
- «Лада» — 4.
- «Луч» — 2.
- «Динамо-Синара» — 2.
- «Кубань» — 2.
- «АГУ-Адыиф» -0.
- «Башкирия» — 0.
- «Университет» — 0.Я 4-рэ турым щызэIукIэщтых: «Луч» — «ЦСКА», «Звезда» — «Лада», «Черноморочка» — «Башкирия» (Iоныгъом и 24-м), «Астраханочка» — «Ростов-Дон», «Университет» — «АГУ-Адыиф», «Кубань» — «Динамо-Синара» (Iоныгъом и 25-м).