Къэралыгъо автоинспекциер
ГъогурыкIоным ишапхъэхэр яцIыкIугъом къыщегъэжьагъэу ябгъэшIэным мэхьанэ зэриIэр къагурыIозэ, Тэхъутэмыкъое районым икъэралыгъо автоинспекторхэм Iофтхьэбзэ зэфэшъхьафхэр кIэлэеджакIохэм афызэхащэх. Ахэм зэу ащыщ бэмышIэу рагъэкIокIыгъэ Iофтхьабзэу «Шагающий автобус» зыфиIорэр. Полицейскэхэм яIэпыIэгъугъ «Ны-тыхэм япатруль».
Пшъэрылъ шъхьаIэу мыщ иIагъэр ныбжьыкIэ цIыкIухэр еджапIэм екIурэ гъогу щынэгъончъэхэр къыхахынхэр икIэрыкIэу кIаджыкIыжьыныр, гъогурыкIоным ишапхъэу амышIэхэрэр агурыгъэIогъэнхэр ары. ОшIэ-дэмышIэ Iоф гъогум зыщыхафэхэкIэ зэрэхэкIыжьыщтхэр, гузажъохэзэ лъэсрыкIо зэпырыкIыпIэхэм е амыгъэунэфыгъэ чIыпIэхэм атехьанхэу зэрэщымытыр къафаIотагъ.Агъотыгъэ шIэныгъэр агъэпытэным фэшI зэкIэри зэхэтхэу «Шагающий автобус» зыфиIорэм фэдэу ны-тыхэр ягъусэхэу Iофтхьабзэм хэлажьэхэрэр урамым техьагъэх. Гъогу щынэгъончъэхэр къыхахыхэзэ, шапхъэхэр нэрылъэгъоу къарагъэIотагъэх, зэхэтхэу еджапIэм нэс къэкIожьыгъэх.