Къэралыгъо автоинспекциер
Мыекъопэ районым иавтоинспекторхэм Iофтхьабзэу «Засветись!» зыфиIорэр къутырэу Пролетарскэм иегъэджэн гупчэу N 6-м щырагъэкIокIыгъ. УблэпIэ классхэм арыс кIэлэцIыкIу-лъэсрыкIохэм ящынэгъончъагъэ ар фэIорышIагъ.
ЗэIукIэгъум къыдыхэлъытагъэу яшъуашэхэм, яIалъмэкъхэм е нэмыкIхэу аIыгъхэм къэнэфырэ пкъыгъохэр ахалъхьэхэмэ, гъогум нахь къызэрэщылъэгъощтхэр инспекторхэм агурагъэIуагъ. Ахэм шIуагъэу къахьырэр щысэкIэ нэрылъэгъу афашIыгъ.Къутырхэу ыкIи поселкэхэу лъэсрыкIо гъогу зыдэщымыIэхэу, остыгъэхэр къызыщымынэфхэрэм анахьэу сакъыныгъэ къызщыхагъэфэным Iофтхьабзэм изэхэщакIохэр къыфэджагъэх.КIэлэеджакIохэм якъэкIухьэгъу уахътэ нэфынэр къэзытырэ ныбалъэхэр зыщалъэнхэу араIуагъ. Ау ныбалъэр ащыгъ пае сакъыныгъэ къызхамыгъафэу, замыплъыхьэу гъогум техьэхэ зэрэмыхъущтым анаIэ тырарагъэдзагъ.Къутырхэу ыкIи поселкэхэу лъэсрыкIо гъогу зыдэщымыIэхэу, остыгъэхэр къызщымынэфхэрэм сакъыныгъэ нахь къызщыхагъэфэным Iофтхьабзэм изэхэщакIохэр къыфэджагъэх.Iофтхьабзэм хэлэжьагъэхэм зэкIэми щынэгъончъагъэм ипкъыгъохэр аратыгъэх.