Зэкъош республикэхэм якомандэхэм яешIэгъу

ФутболымкIэ Урысыем ипервенствэ иятIонэрэ лигэ щешIэрэ Мыекъопэ «Зэкъошныгъэм» я 24-рэ турым къыдыхэлъытэгъэ зэIукIэгъу мы мафэхэм иIагъ. Адыгеим икъэлэ шъхьаIэ ихьэкIагъ командэу «Спартак-Налщыкыр».

«Зэкъошныгъ» — «Спартак-Налщык» — 2:1 (0:0)Iэгуаор къэлапчъэм дэзыдза­гъэхэр:М. Ибрагимовыр (я 51-рэ такъикъыр), А. Къонэр (пенальтикIэ я 68-рэ такъикъыр), А. Солоп (я 80-рэ такъикъыр).«Зэкъошныгъэм» щешIагъэх:Хачировыр (къэлэпчъэIут), Датиевыр, Черджиевыр, Солоп, Цанава, Юшко, Малыш (Едыджыр), Коблыр (Зезэрахьэр), ХъуакIор (Блэгъожъыр), Къонэр (Iащэр), Делэкъор (Хьапыщтыр).Тренер шъхьаIэр: Александр Кайвановыр.«Спартак-Налщык» хэтыгъэх:Къумыкъур (къэлэпчъэIут), Пириевыр, КIэдэкIоир, Балкизовыр, Гъогужъэкъор, ХьацIыкIур, Селяевыр (Гирзишевыр), Малкандуевыр (Тутэр), Черкесыр (Ивашиныр), Лысенкэр, Ибрагимовыр (лIупыр).Тренер шъхьаIэр: ЕмкIуж Мурат.ЕшIэгъур рамыгъажьэзэ тиклуб игенеральнэ пащэу Андрей Ушениным «Зэкъошныгъэм» иветеранитIумэ юбилейнэ футболкэхэр аритыгъэх — тикомандэ хэтэу ешIэгъу 300 зиIэгъэ Къонэ Амиррэ зэIукIэгъуи 150-мэ ахэлэжьэгъэ Тамерлан Хачировымрэ. Ахэм цIыфхэр бэрэ Iэгу афытеуагъэх.ЗэIукIэгъум иапэрэ такъикъхэм къащегъэжьагъэу хьакIэхэр бэрэ ыпэ илъыщтыгъэх, Iэгуаори нахь аIыгъыгъ. «Зэкъошныгъэм» зи­ухъу­мэн фаеу хъугъэ. Футболым хэшIыкI фызиIэхэу ешIэгъум еплъыгъэхэм ащыщыбэм зэра­лъытэщтыгъэмкIэ, командэхэм къэлапчъэм зы Iэгуао нахь да­дзэщтэп, ащ текIоныгъэр къыдэзыхыщтыр къыгъэнэфэщт.ЯтIонэрэ таймым ия 51-рэ такъикъ хьакIэхэм яфутболистэу Магомед Ибрагимовымпчъагъэр къызэIуихыгъ. Бэхэм къащыхъугъ «Спартак-Налщыкым» текIоныгъэр къыдихынэу. Ау бы­сымхэм яешIакIэ нахь агъэлъэшыгъ ыкIи пенальти агъэцэкIэнэу къалэжьыгъ. Къонэ Амир къэлапчъэм дэуагъ, пчъагъэр 1:1 ышIыгъ. Мыщ ыуж «Зэкъошны­гъэм» нахьыбэ къыдэхъугъ. ЕшIапIэм къихьэгъэ Едыдж Тамерлан Аркадий Солоп Iэгуаор IэкIигъэ­хьагъ, ар бэрэ емыгупшысэу, метрэ 20 фэдизкIэ къэлапчъэм пэчыжьэу ащ дэуагъ ыкIи ди­дзагъ, пчъагъэр 2:1-у тикомандэ текIоныгъэр къыдихыгъ.Я 24-рэ турым изэфэхьысыжьхэр:«Нефтяник» — «Астрахань» — 0:0, «Ростов-2» — «Шахтер» — 0:0, «Чайка-М» — «Заря» — 1:5, «Нарт» — «Ангушт» — 3:0, «Зэкъошныгъ» — «Спартак-Налщык» — 2:1, «Динамо-2» — «Победа» — 0:2, «Севастополь» — «Рубин Ялта» (непэ ешIэщтых).Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Севастополь» — 50
2. «Шахтер» — 50
3. «Ростов-2» — 47
4. «Победа» — 39
5. «Рубин Ялта» — 34
6. «Кызылташ» — 34
7. «Зэкъошныгъ» — 33
8. «Нарт» — 33
9. «Спартак-Налщык» — 31
10. «Заря» — 30
11. «Нефтяник» — 22
12. «Астрахань» — 21
13. «Ангушт» — 16
14. «Чайка-М» — 14
15. «Динамо-2» — 14