Мэзым иIофышIэхэу ыкIи иветеранхэу лъытэныгъэ зыфэтшIыхэрэр!
Шъуисэнэхьат епхыгъэ мэфэкIым —мэзым иIофышIэхэм я Мафэ фэшI тышъуфэгушIо!Адыгэ РеспубликэмкIэ мэзыр чIыопс баиныгъэшхоу щыт, республикэм экологием ылъэныкъокIэ илъэпсэ пытэхэм ащыщ. Тикъушъхьэлъэ чъыг лъэпкъ гъэшIэгъонхэм, хэшъаехэм, псэе чъыгхэм ыкIи нэмыкIхэм нэбгырэ пэпчъ афэсакъын, а баиныгъэм икъэухъумэн фэгъэзагъэхэми къыткIэхъухьэхэрэм а баиныгъэр алъыгъэIэсыгъэным икъоу анаIэ тырагъэтын фае.Iофышхоу жъугъэцакIэрэм шIэныгъи, щэIагъи ищыкIагъэх, чIыопсым шIулъэгъу фыуимыIэу икъоу а пшъэрылъыр бгъэцэкIэн плъэкIыщтэп. Шъо шъуиIэпэIэсэныгъэ елъытыгъ мэзхэр зыпкъ игъэуцожьыгъэнхэмкIэ Iофыгъоу къэуцухэрэр зэшIохыгъэ зэрэхъущтхэр, машIом мэзхэр щыухъумэгъэнхэм ыкIи ащ къыщыкIыхэрэм ахэгъэхъогъэным тынаIэ тедгъэтын фае, республикэм иэкономикэкIи а пстэуми мэхьанэшхо яI.Мы мафэм рэзэныгъэ гущыIэхэр анахьэу зыфэдгъазэхэ тшIоигъор ветеранхэр ары. Шъо IофшIэкIэшIоу шъуIэкIэлъыр, шъузфгъэзэгъэ Iофым фышъуиIэ гуетыныгъэр къыткIэхъухьэхэрэм алъышъогъэIэсыжьы.Ныбджэгъу лъапIэхэр, зэкIэми тышъуфэлъаIо псауныгъэ пытэ шъуиIэнэу, шъуиунагъохэм щыIэкIэшIу арылъынэу ыкIи Адыгеимрэ Урысыемрэ яфедэ зыхэлъ Iофэу жъугъэцакIэрэм гъэхъагъэхэр щышъушIынхэу!Адыгэ Республикэм и ЛIышъхьэу, КъумпIыл МуратАдыгэ Республикэм и Къэралыгъо Совет — Хасэм и Тхьаматэу Владимир Нарожнэр