Мэз хъызмэтым иIофышIэхэу, иветеранхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIымкIэ – мэзым иIофышIэхэм я МафэкIэ тыгу къыддеIэу тышъуфэгушIо!ЗэкIэри дунаим щызэдиштэным мэз хъызмэтыр фэIорышIэ. Мэзхэм якъэу­хъумэнкIэ ыкIи ахэр зыпкъ игъэуцожьыгъэнхэмкIэ пшъэрылъышхо зыгъэцэкIэрэ мэзлэжьхэм къэкIырэ, псэушъхьэ лъэпкъ­хэм къакIимычыным, жьыр къэбзэным, чIыопсым изытет зэщымыкъоным яIахь хашIыхьэ.Мэз хъызмэтым иветеранхэу мэз баиныгъэм икъэухъумэн, акъылыгъэ хэлъэу ар гъэфедэгъэным зищыIэныгъэ афэзыгъэIорышIагъэхэм лъэшэу тызэрафэразэр къэтэIо. Мэз хъызмэтым зегъэушъомбгъугъэнымкIэ шъуиIэпэIэсэныгъэрэ шъуиакъылрэ тапэкIи къызэрашъхьэпэщтым тицыхьэ телъ.Псауныгъэ пытэ шъуиIэнэу, мамыр огур ренэу шъуашъхьагъ итынэу, шIоу щыIэр къыжъудэхъунэу, шъуиунэгъо Iофхэр зэпыфэнхэу тышъуфэлъаIо!АР-м мэзхэмкIэ и ГъэIорышIапIэ ипащэу Р. Я. Былымыхь, мэз хъыз­мэтым иветеранхэм я Совет итхьаматэу А. С. Болэкъу, АР-м имэзлэжьхэм яобществэ итхьаматэу М. Хь. Хьатикъуай, АР-м мэзхэмкIэ и ГъэIорышIапIэ щызэхэщэгъэ общественнэ советым итхьаматэу Э. Б. Джымэ.