Лъытэныгъэ зыфэсшIырэ силъэпкъэгъухэр, ныбджэгъу лъапIэхэр!

Дунэе Адыгэ Хасэм игъэцэкIэкIо комитет ыцIэкIэ ыкIи сэ сшъхьэкIэ адыгэхэм я Дунэе мафэкIэ сыгу къыздеIэу сышъуфэгушIо!Мы мэфэкIыр Iоныгъом и 20-м зыхэдгъэунэфы­кIырэр илъэс 12 мэхъу. Мэфэпчъым ар зыхагъэхьагъэм бэ темышIагъэми, лIэшIэгъубэ къызэпызычыгъэ, лIэуж пстэуми къагъэгъунэрэ тарихъ, культурэ бай, шэн-хэбзэ дахэхэр тилъэпкъ иIэх.Адыгэхэм къарыкIощтыр Урысыем щыпсэурэ ­лъэпкъ зэфэшъхьафхэм ятарихъ пытэу епхыгъ. ЗэкIэми тызэгъусэу лъэхъэнэ къинхэр къызэпытчыгъэх, непэ тIэ зэкIэдзагъэу тихэгъэгу инеущрэ мафэ нахь дэхэным тыфэлажьэ. Адыгэхэм къэралыгъом изегъэу­жьыжьынрэ дунэе культурэмрэ яIахьышIу хашIыхьагъ. Тихэку имызакъоу, нэмыкI чIыпIэхэми тишIэныгъэлэжьхэр, титхакIохэр, тисурэтышIхэр, тилIыхъужъхэр ащызэлъашIэх.Зыбзэ, зишэн-хабзэхэр, зикультурэ къэзыгъэгъунэрэ адыгэхэр непэ дунаим ичIыпIэ зэфэшъхьафхэм ащэ­псэух. Тилъэпкъ къыхэкIыгъэхэу лъэныкъо зэфэшъхьаф­хэм гъэхъэгъэшхохэр ащызышIыхэрэм тарэгушхо.Урысыем ис лъэпкъхэм языкIыныгъэ и Илъэс мы мэфэкIым мэхьанэу иIэм хэхъуагъ: лъэпкъ пстэуми лъытэныгъэ зэфашIыжьын зэрэфаер, культурэ зэмылIэужыгъохэм нахь бай тызэрашIырэр ащ тыгу къегъэкIыжьы.Сыгу къыздеIэу унагъо пэпчъ сыфэлъаIо псауныгъэ пытэ, щыIэкIэ-псэукIэ дэгъу, насып иIэнэу, мамы-рэу щыIэнэу. ТекIоныгъэ къыдахыгъэу тидзэкIолIхэм ядэжь къагъэзэжьынэу афэсэIо.МэфэкIымкIэ джыри зэ сышъуфэгушIо!Дунэе Адыгэ Хасэм итхьаматэуСэхъурэкъо Хьаути