Урысые Iофтхьабзэу «ТекIоныгъэм имашIо къэдгъэгъунэн» зыфиIорэм къыдыхэлъытагъэу Шэуджэн районым ит къутырэу Дукмасовым «ЕгъэшIэрэ машIор» щызэхагъэнагъ.
Iахьзэхэлъ обществэу «Газпром газораспределение Майкоп» зыфиIорэм испециалистхэм гъэстыныпхъэ шхъуантIэм ирыкIуапIэ ащ ращэлIагъ, зэтырагъэуцуагъ ыкIи атIупщыгъ.«ЕгъэшIэрэ машIор» зэрэзэхагъанэрэм фэгъэхьыгъэ Iофтхьабзэм АР-м и Къэралыгъо Совет — Хасэм и Тхьаматэу Владимир Нарожнэр, ащ игуадзэу Цэй Эдуард, Iахьзэхэлъ обществэу «Газпром газораспределение Майкоп» ыкIи пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Газпром межрегионгаз Майкоп» зыфиIохэрэм япащэу ЕкъутэкI Аслъан, Шэуджэн район администрацием ипащэу Аулъэ Рэщыдэ хэлэжьагъэх.«ЕгъэшIэрэ машIор» ти Хэгъэгу къаухъумэзэ зыпсэ зытыгъэхэм яшIэжь зэрэдгъэлъапIэрэм, тызэрафэразэм яшыхьат. Дукмасовым щызэхэдгъэнэным ыпэкIэ «ЕгъэшIэрэ мэшIо» 18-мэ «Газпром межрегионгаз Майкопым» гъэстыныпхъэ шхъуантIэр аIэкIигъахьэщтыгъ, джы 19 хъугъэ. Мыщ фэдэ саугъэтхэм зэпыу имыIэу газыр якIолIэным тапэкIи тынаIэ тетыщт», — къыIуагъ ЕкъутэкI Аслъан.Саугъэт зэхэтэу къутырэу Дукмасовым дэтыр мыщ щыщэу Хэгъэгу зэошхом хэкIодагъэхэм апай 1970-рэ илъэсым агъэпсыгъ, дзэкIолI 587-мэ ацIэхэр ащ къыщыхэгъэщыгъэх.Iахьзэхэлъ обществэу «Газпром газораспределение Майкоп» зыфиIорэм ипресс-къулыкъу.