ФутболымкIэ Урысыем ипервенствэ иятIонэрэ лигэ щешIэрэ Мыекъопэ «Зэкъошныгъэр» я 23-рэ турым къыдыхэлъытагъэу командэу «Нартым» дешIагъ. ЗэIукIэгъум нэбгырэ 500 еплъыгъ.
«Нарт» — «Зэкъошныгъ» — 0:1 (0:0)Iэгуаор къэлапчъэм дэзыдзагъэр: К. Юшко (я 72-рэ такъикъыр).«Нартым» хэтыгъэх: Колесовыр (къэлэпчъэIут), Ерохиныр, Ярцевыр, Иналкаевыр (Мацола), Лелюкаевыр, Тхьэкъуахъор, Доховыр (Беляевыр), Каргиновыр (Востриковыр), Котовыр (Тарамовыр), Машезовыр, Осицыныр (Кадагазовыр).
Тренер шъхьаIэр: БитIэкъо Тимур.«Зэкъошныгъэм» щешIагъэх: Хачировыр (къэлэпчъэIут), Солоп, Черджиевыр, Датиевыр (Блэгъожъыр), Хьэхыр, Коблыр, Цанава, Едыджыр (Юшко), Малыш (Къонэр), ХъуакIор, Iащэр (Хьапыщтыр).Тренер шъхьаIэр: Александр Кайвановыр.Зэлъыпытэу ятIонэрэ ешIэгъу хъугъэу «Зэкъошныгъэм» очкохэр къехьых. БлэкIыгъэ турым тикомандэ Мыекъуапэ щыриIэгъэ зэIукIэгъур «Ангуштым» къышIуихьыгъ. ЯтIонэрэ таймым хьакIэхэм пенальти агъэцэкIагъ, ау къэлапчъэм Iэгуаор дадзэшъугъэп. ЕшIэгъум икIэух тифутболистхэм текIоныгъэр къыдахын алъэкIыгъ. Черкесскэ щыкIогъэ зэIукIэгъури ащ фэдагъ. Апэрэ едзыгъор 0:0-у аухыгъ. ЯтIонэрэм хьакIэхэм хэукъоныгъэ заулэ ашIыгъ, ау бысымхэм къызфагъэфедагъэп. Я 69-рэ такъикъым Аркадий Солоп шъхьэкIэ къэлапчъэм дэуагъ, ау Iэгуаор дидзагъэп. Ащ ыуж такъикъищ тешIагъэу Кирилл Юшко пчъагъэр къызэIуихыгъ, 1:0-у тикомандэ ешIэгъур къыхьыгъ.Я 23-рэ турым изэфэхьысыжьхэр:«Ангушт» — «Спартак-Налщык» — 1:2, «Победа» — «Астрахань» — 2:1, «Шахтер» — «Чайка-М» — 4:2, «Кызылташ» — «Рубин Ялта» — 2:0, «Ростов-2» — «Заря» — 0:5, «Нарт» — «Зэкъошныгъ» — 0:1, «Динамо-2» — «Нефтяник» — 0:1Турнир таблицэм апэрэ чIыпIитIур щаIыгъ «Севастопольрэ» — «Шахтерымрэ». «Зэкъошныгъэр» — яянэр. Iоныгъом и 19-м сыхьатыр 5-м тикомандэ «Спартак-Налщык» IукIэщт, ешIэгъур Мыекъуапэ щыкIощт.Командэхэр зыдэщыт чIыпIэхэр ыкIи очко пчъагъэу рагъэкъугъэр:
- «Севастополь» — 50
- «Шахтер» — 49
- «Ростов-2» — 46
- «Победа» — 36
- «Рубин Ялта» — 34
- «Кызылташ» — 34
- «Спартак-Налщык» — 31
- «Зэкъошныгъ» — 30
- «Нарт» — 30
- «Заря» — 27
- «Нефтяник» — 21
- «Астрахань» — 20
- «Ангушт» — 16
- «Чайка-М» — 14
- «Динамо-2» — 14