ЕшIэгъур шIуахьыгъ

ГандболымкIэ Урысыем ичемпионат и Супер­лигэ хэт бзылъфыгъэ командэхэм зичэзыуешIэ­гъухэр яIагъэх. Мыекъопэ «АГУ-Адыифыр» коман­дэу «Динамо-Синарэм» IукIагъ.

«Динамо-Синара» — «АГУ-Адыиф» — 36:33 (16:15).Волгоград щыкIогъэ ешIэгъум мы спорт лъэпкъыр зыгу рихьырэ нэбгырэ 1400-рэ еплъыгъ. Пчъагъэр къызэIуихыгъ мы зэIу­кIэгъум ешIэкIэ дахэ къыщы­зыгъэлъэгъогъэ тигандболисткэу Татьяна Кирилловам. Ащ гъогогъу 13-рэ къэлапчъэм Iэгуаор ди­дзагъ.ЗэIукIэгъум иапэрэ едзыгъо хьакIэхэр пчъагъэмкIэ ыпэ итхэу къыхэкIыгъ, бэ къадэхъущтыгъэри. Ау апэрэ таймым иаужырэ та­къикъхэм бысымхэр нахь лъэшэу ешIагъэх ыкIи 16:15-у ар ахьыгъ. ЯтIонэрэ едзыгъом «Динамо-Синарэр» Iэгоуи 4-кIэ тикомандэ ыпэ ишъыгъ. Елизавета Краснокутскаям мы ешIэгъумкIэ аужырэ Iэгуаор къэлапчъэм дидзагъ, ау ащ ишIуагъэ къэкIуагъэп, 33:36-у волгоградкэхэм текIоныгъэр къыдахыгъ.

«Динамо-Синарэм» хэтыгъэх:КъэлэпчъэIутхэр — Баскаковар, Старковар. Кириченкэр — 7, Чураковар — 6, Загородневар — 5, Пензевар — 5, Сливко — 4, Дворцеваяр — 3, Казихановар — 3, Томилинар — 2, Прокофьевар — 1.«АГУ— Адыифым» щешIа­гъэх:КъэлэпчъэIутхэр — Гобадзе, Черновар. Кирилловар — 13, Федоровар — 4, Никулинар — 3, Бабинар — 3, Луганцевар — 3, Краснокутскаяр — 2, Тулинар — 2, Белолипецкаяр — 2, Кожубековар — 1.ЯтIонэрэ турым изэфэхьысыжьхэр:«Динамо-Синара» — «АГУ-­Адыиф» — 36:33, «Звезда» — «Черноморочка» — 31:33, «Луч» — «Башкирия» — 23:20, «Кубань» — «Ростов-Дон» — 22:28, «Астраханочка» — «Лада» — 28:27, «Университет» — «ЦСКА» — 19:37.Турнир таблицэм командиплIымэ пэрытныгъэр щаIыгъ — «ЦСКА-м», «Ростов-Доным», «Черноморочкэм» ыкIи «Астраханочкэм». «АГУ-Адыифыр» я 10-рэ чIыпIэм щыт. Iоныгъом и 19-м тикомандэ «Кубань» де­шIэщт.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «ЦСКА» — 4.
2. «Ростов-Дон» — 4.
3. «Черноморочка» — 4.
4. «Астраханочка» — 4.
5. «Звезда» — 2.
6. «Лада» — 2.
7. «Луч» — 2.
8. «Динамо-Синара» — 2.
9. «Башкирия» — 0.
10. «АГУ-Адыиф» -0.
11. «Кубань» — 0.
12. «Университет» — 0.