Теннис цIыкIум хэхъоныгъэ ышIыным фытегъэпсыхьэгъэ гупчакIэу «Ошъутенэм» республикэм испорт еджапIэхэм ачIэсхэм апае егъэджэнхэр щыкIуагъэх. Адыгеим теннис цIыкIумкIэ ифедерацие мыщ кIэщакIо фэхъугъ.
Iофтхьабзэм хэлажьэхэрэм шIуфэс гущыIэхэмкIэ закъыфигъэзагъ шъолъыр федерацием ипащэу Юрий Гороховым. Ащ къызэриIуагъэмкIэ, теннис цIыкIум ишапхъэхэр зышIэхэрэр ары ыпэкIэ лъыкIотэнхэ, текIоныгъэ къыдэзыхын зылъэкIыщтхэр. ЗэдэгущыIэгъум испикер шъхьэIагъ Адыгэ къэралыгъо университетым физическэ культурэмкIэ ыкIи дзюдомкIэ и Институт истудентэу, спорсменэу Никита Платуновыр.
Егъэджэныр шъхьэихыгъэ зэдэгущыIэгъу шIыкIэм тетэу рекIокIыгъ, ныбжьыкIэхэр зыгъэгумэкIырэ упчIэхэр нахьыжъхэм афагъэзагъэх, игъэкIотыгъэ джэуапхэри агъотыжьыгъэх.