Прокуратурэм къалэу Мыекъуапэ псыр IэкIэгъэхьэгъэным фэгъэхьыгъэ хэбзэгъэуцугъэр зэрэщагъэцакIэрэр ыуплъэкIугъ.
Организациемэ, фэтэрыбэу зэхэт унэмэ ягъэIорышIакIохэм ыкIи псырыкIопIэ системэхэм адэлажьэхэрэм псым икъэбзагъэ, ащ идэгъугъэ ыкIи ищынэгъончъагъэ ренэу ауплъэкIуныр, ащ пае производственнэ программэ зэхагъэуцоныр япшъэрылъхэм ащыщых.УплъэкIунхэм къызэрагъэлъэгъуагъэмкIэ, къалэм игъэIорышIэкIо компании 5-мэ псэу зашъохэрэм идэгъугъэрэ ищынэгъончъагъэрэ, джащ фэдэу фэтэрыбэу зэхэт унэхэм псы стырыр аIэкIахьэмэ зыгъэнэфэрэ производственнэ программэр зэхагъэуцогъагъэп.УплъэкIунхэм зэфэхьысыжьэу афэхъугъэхэм къакIэлъыкIоу къэлэ прокуратурэм хьыкумым тхылъи 5-у гъэIорышIэкIо компаниемэ афэгъэхьыгъэр ыгъэхьыгъ, псэу зашъохэрэм идэгъугъэрэ ищынэгъончъагъэрэ, джащ фэдэу фэтэрыбэу зэхэт унэмэ псы стырыр аIэкIэгъэхьэгъэныр къэзыгъэнэфэрэ производственнэ программэр зэхагъэуцонэу. Роспотребнадзорым Адыгэ РеспубликэмкIэ и ГъэIорышIапIэ щыгъэгъозэгъэныр ахэм къыдалъытэ.