2022-рэ илъэсым итыгъэгъэзэ мазэ Краснодар краим щыщ хъулъфыгъэм очылым зыфигъэзагъ уголовнэ Iоф ятэ къызэрэфызэIуахыгъэр, Теуцожь район хьыкумым ащ зэрэщыхэплъэщтхэр фиIотагъ.
КъеолIагъэм ахъщэ шIухьафтын къыритымэ, ащ зэпхыныгъэ зыдыриIэ инэIуасэхэр къызфигъэфедэнхэшъ, ятэ хьапс къыфыхэмыкIэу унашъо хьыкумым зэрэригъэшIыщтымкIэ къыгъэгугъагъ.Хъулъфыгъэм сомэ миллион 15 очылым ритыгъ. Ахъщэр зэритыгъэм зэрэфаеу ар ыгъэзекIуагъ.Мысагъэ афэзылъэгъурэ къэралыгъо къулыкъушIэм хьыкумым къыращэлIагъэм лажьэ зэриIэр къыушыхьатыгъ, ау ащ зэрарыр зэрипщыныжьыгъэр къыдилъыти, хьыкумым илъэси 5 пIалъэ условнэу, сомэ мин 500 тазырэу къэралыгъом фэкIонэу агъэмысэрэм тырилъхьагъэх.Унашъор хэбзэгъэуцугъэм дештэмэ апелляционнэ шIыкIэмкIэ ауплъэкIужьыщт.