Тутынэу маркировкэ зытемытыр Мыекъуапэ щыщым зэрэзэригъэгъотыгъэм, ыщэн гухэлъ зэриIагъэм апае Мыекъопэ прокуратурэм уголовнэ Iофэу къыфызэIуихыгъэр хьыкумым фигъэхьыгъ.
Мыекъопэ прокуратурэм ащ фэгъэхьыгъэ уголовнэ IофымкIэ зэфэхьысыжь унашъо ышIыгъ. Ар къыделъытэ УФ-м и УК ия 171-рэ статья ия 5-рэ Iахь (тутын продукциеу Урысые Федерацием ихэбзэгъэуцугъэ ыгъэнэфэгъэ маркировкэ зытемытыр, ащ фэдэ маркировкэр шIокI имыIэу тетын фаемэ, бэдэдэ хъоу зэригъэгъотыгъэмэ, щигъэлъыгъэмэ ыкIи ыщэн гухэлъ иIагъэмэ).ЗэрагъэунэфыгъэмкIэ, агъэмысэрэм, унэе сатыушIэу ар зэрэщытызэ, 2025-рэ илъэсым тыгъэгъазэм и 16-м маркировкэ зытемыт тутын продукцие зэригъэгъотыгъ, зэкIэмкIи тутын къэмлан 2290-рэ зэрэхъущтыгъэр, нэужым Мыекъуапэ дэт хэушъхьафыкIыгъэ тучанмэ ар ащыIуигъэкIын гухэлъ иIагъ.Полицием икъулыкъушIэхэм оперативнэ-лъыхъон Iофтхьабзэхэр зызэрахьэхэм, агъэмысэрэм тутын къэмлан 2290-рэ къыIахыгъ, ахэм сомэ 309150-рэ къакIэкIонэу щытыгъ.Уголовнэ Iофыр зэхифыгъ Урысыем хэгъэгу кIоцI IофхэмкIэ и Министерствэ иотделэу Мыекъуапэ щыIэм.