Мыекъопэ районым щыщэу синтетикэм хэшIыкIыгъэ наркотик зиунэ щы- зыIыгъыгъэр къаубытыгъ.
Полицием Мыекъопэ районымкIэ иотдел уголовнэ лъыхъонымкIэ икъулыкъушIэхэм илъэс 25-рэ зыныбжьэу ыпэкIэ хьапсым дэсыгъэ хъулъфыгъэм иунэ наркотикхэр зэрилъхэм фэгъэхьыгъэ къэбар къаIэкIэхьагъ.Къэбарым ишъыпкъагъэ ауплъэкIуным фэшI оперативникхэр кIэлакIэм дэжь кIуагъэх ыкIи иунэ къалъыхъугъ, тхьэпэ щыхьагъэу наркотикым ехьыщыр хьаджыгъэр зыкIоцIылъыр унэм къырагъотагъ. Унэм къырахыгъэр зыфэдэр зэрагъэшIэным пае МВД-м ишъолъыр экспертнэ-криминалистическэ гупчэм агъэхьыгъ. Ащ зэрэщагъэунэфыгъэмкIэ, хабзэр зыукъуагъэм иунэ къырагъотагъэр грамм 1,5-рэ хъурэ синтетическэ наркотикэу «мефедрон» зыфаIорэр ары. БзэджэшIагъэ зезыхьагъэм Интернетыр къызфигъэфедэзэ наркотикыр къызэригъотыгъэр ыкIи чIыпIэу ар зыщагъэбылъыгъагъэм къызэрэрихыжьыгъэр къыIотагъ.ХэбзэухъумакIохэм уголовнэ Iоф къызэIуахыгъ. Наркотикхэм ягъэзекIон хэлажьэхэрэм ягъэунэфын полицием иIофышIэхэр джырэ уахътэм ыуж итых.