АР-м ныбжьыкIэ IофхэмкIэ и Комитет
Адыгеим икIэлакIэхэр дунэе мэхьанэ зиIэ хъугъэ-шIэгъэшхом мы мафэхэм хэлажьэ. — 2026-рэ илъэсым иныбжьыкIэ фестивалэу къалэу Екатеринбург щыкIорэм республикэр къыщагъэлъагъо.
Тишъолъыр илIыкIо куп апшъэрэ еджапIэхэм, колледжхэм ыкIи гурыт еджапIэхэм ачIэс ныбжьыкIэ чан нэбгырэ 15 хэт. Урысыем ыкIи IэкIыб къэралыгъохэм къарыкIыгъэ ныбжьыкIэхэм ахэр нэIуасэ афэхъух, шIэныгъэхэмкIэ зэхъожьых.ЗэкIэмкIи къэралыгъо 200 фэдизмэ къарыкIыгъэ ныбжьыкIэ минипшIым нахьыбэ Iофтхьабзэм зэфищагъ. ГуфэкIо нэбгырэ минитIу ахэм афэгъэзагъ. ЗэхэщакIохэм зэрэрахъухьагъэмкIэ, хъугъэ-шIэгъэ 800 фэдизмэ мы мафэхэм ныбжьыкIэхэр ахэлэжьэщтых. Ахэр Iофтхьэбзэ зэфэшъхьафых, лекциех, зэнэкъокъух, къэгъэлъэгъоных. Джащ фэдэу гастрофестивалыр, ермэлыкъыр къыдыхэлъытэгъэщт.Фестивалым ныбжьыкIэхэмкIэ мэхьанэшхо иI. Хэлажьэ ашIоигъоу зыкъэзыгъэлъэгъуагъэхэм япчъагъэ ар къеушыхьаты: нэбгырэ мин 13 фэдиз къыкIэлъэIугъ. ЗэхэщакIохэм къызэратырэмкIэ, ахэм азыныкъом нахьыбэр IэкIыб къэралыгъохэм арысых.Урысыем и Президентэу Владимир Путиным фестивалыр игукъэкI. Лъэпкъ проектэу «НыбжьыкIэхэр ыкIи кIэлэцIыкIухэр» зыфиIорэм къыдыхэлъытагъэу рекIокIы. Iофтхьабзэр Iоныгъом и 17-м нэс кIощт.Анцокъо Ирин.