Iэшъынэ А.
УФ-м зыкъэухъумэжьынымкIэ и Министерствэ цIыф зэрымыс быбырэ пкъыгъохэм ядзэхэу ыгъэпсыгъэхэр УIэшыгъэ КIуачIэхэмкIэ анахь хэхыгъэхэм ащыщых.
Ахэр зыгъэIорышIэщт операторхэм яугъоин 2026-рэ илъэсым ищылэ мазэ аублагъ. Мы уахътэм ехъулIэу Iофыр зэрэлъыкIуатэрэр АР-м идзэ комиссариат ипащэ игуадзэу Виталий Лебедевым къедгъэIотагъ.— ЦIыф зэрымыс быбырэ пкъыгъохэм ядзэхэм къулыкъур ащызыхьыщт нэбгыри 180-рэ фэдиз дгъэкIон фаеу УФ-м зыкъэухъумэжьынымкIэ и Министерствэ республикэ дзэ комиссариатым пшъэрылъэу къыфигъэуцугъ. Непэрэ уахътэм ехъулIэу нэбгыри 100-м ехъу зэзэгъыныгъэм кIэтхагъ. ШышъхьэIу мазэр тштэмэ — нэбгырэ 12. Зэхэтэу пчъагъэхэм ягугъу къэтшIымэ, тызхэт илъэсым имэзих зэфэтшIыгъ, зэзэгъыныгъэ шIыкIэм тетэу дзэ къулыкъур зыхьыщт нэбгырэ 500 фэдиз дгъэкIуагъэ. ЦIыф зэрымыс быбырэ пкъыгъохэм ядзэхэм къулыкъур ащызыхьынэу республикэмкIэ мэзихым къыкIоцI зэзэгъыныгъэм кIэтхагъэр нэбгырэ 70-м ехъу. Янахьыбэр запасым щыс, — хигъэунэфыкIыгъ Виталий Лебедевым.Джащ фэдэу тигущыIэгъу къызэрэтиIуагъэмкIэ, Хэгъэгур къэухъумэгъэнымкIэ амалыкIэу щыIэм ишапхъэхэр, фэгъэкIотэнэу, ахъщэ тынэу пылъхэр зэхъокIыгъэхэп.ЦIыф зэрымыс быбырэ авиацием зэзэгъыныгъэ шIыкIэм тетэу къулыкъу щызыхьыщтхэм Iашэ амыIыгъэу, окопхэм адэмысхэу пыим ебэныщтых, ятIонэрэ, ящэнэрэ линием тетхэу япшъэрылъхэр агъэцэкIэщтых. Зэтыгъо ахъщэ тынэу Адыгеим щаратырэр сомэ миллионищ. ДзэкъулыкъушIэхэм яIэ фэгъэкIотэнхэр зэкIэ къафэнэщтых.ПодразделениякIэу агъэпсырэм операторхэм ямызакъоу, водительхэр, техникхэр, инженерхэр ыкIи нэмыкI сэнэхьатхэр зиIэхэр аштэх. БПЛА-м иоператор ухъуным шэпхъэ гъэнэфагъэхэр пылъых. Илъэс 18-м къыщегъэжьагъэу 35-м нэс аныбжьын, «базовэ» шапхъэм диштэу инджылызыбзэр, компьютерыр ашIэнхэ фае. НэмыкI сэнэхьатхэмкIэ къулыкъур зыхьыщтхэм аныбжь илъэс 45-м шIокIынэу щытэп. Джащ фэдэу зэкIэми япсауныгъэ медицинэ комиссием ыуплъэкIущт, купэу «А-м» ыкIи «Б-м» адиштэнхэу щыт.ХэушъхьафыкIыгъэ дзэ операцием административнэ ыкIи уголовнэ пшъэдэкIыжь зыхьыгъэхэр ащэхэмэ, мы подразделением ахэр щегъэзыех, анахь дэгъухэр ары къыхихыхэрэр.Джащ фэдэу ыныбжьыкIэ къулыкъур зыхьынэу къызтефэхэрэр цIыф зэрымыс быбырэ пкъыгъохэм ядзэхэм ахэхьанхэу зэзэгъыныгъэм зыкIатхэхэкIэ, ахъщэ тынхэр зэкIэ къаратых, «зэо зэпэуцужьым иветеран» зыфиIорэ цIэр къафагъэшъуашэ.Зэзэгъыныгъэ шIыкIэм тетэу къулыкъур зыхьынэу фаеу Мыекъуапэ щыпсэухэрэм дзэ комиссариатэу ащ дэтым зыщарагъэтхышъущт. УпчIэ зиIэхэм зыздагъэзэшъущтыр: къ. Мыекъуапэ,ур. Комсомольскэр, 217-рэ, я 119, 102-рэ кабинетхэр е телефонхэу: 8 (8772) 52-11-27, 52-11-25. Зэзэгъыныгъэ шIыкIэкIэ къулыкъу зыхьы зышIоигъохэм апае линие плъырыр: 117#4 ыкIи 8 (8772) 52-11-28.Джащ фэдэу шъузщыпсэурэ чIыпIэм щыIэ дзэ комиссариатым зыфэжъугъазэмэ, шъуищыкIагъэр ежъугъотылIэщт. Телеграм-каналэу «Адыгея — Служу Родине» зыфиIорэм игъэкIотыгъэ къэбарыр ижъугъотэщт.IЭШЪЫНЭ Сусан.