ФутболымкIэ зэнэкъокъоу спорт еджапIэхэм ыкIи клубхэм азыфагу зэхащагъэр къалэу Ейскэ щыкIуагъ. Зыныбжь илъэс 18-м емыхъугъэхэр зыхэхьэгъэ командитфымэ заушэтыгъ. Республикэ спорт еджапIэм ифутболистхэм ухьазырыныгъэ дэгъу къагъэлъэгъуагъ, ятIонэрэ чIыпIэр къыдахыгъ.
Тифутболистхэр зэнэкъокъум фэзыгъэхьазырыгъэхэр Батырбый Руслъанрэ Вячеслав Охрименкэмрэ. «Зэкъошныгъэм» иныбжьыкIэ командэ ешIэгъуиплI иIагъ, тIум текIоныгъэр къащыдихыгъ, зыр шIуахьыгъ, адрэм пчъагъэр щызэфэдизыгъ. Мыекъуапэ илIыкIохэм очкоуи 7 рагъэкъугъ ыкIи ятIонэрэ чIыпIэр къыдахыгъ. Дагъыстан иреспубликэ кIэлэцIыкIу-ныбжьыкIэ спорт еджапIэ зэкIэми анахь лъэшыгъ. Зэнэкъокъум ифутболист анахь дэгъоу алъытагъэр Щыщэ Салим (Мыекъуапэ).Командэхэм аубытыгъэ чIыпIэхэр ыкIи очко пчъагъэу рагъэкъугъэр:
- «ГБУ-РДЮСШ-2» (Махачкала) — 10.
- «Зэкъошныгъ» (Мыекъуапэ) — 7.
- «Динамо-Махачкала» (Махачкала) — 7.
- «СШ-Старт» (Ейск) — 4.
- «ГБУ-РДЮСШ» (Махачкала) – 0.