Адыгэкъалэ щыщ илъэс 49-рэ зыныбжь Мамый Маринэ иуголовнэ IофкIэ Теуцожь район хьыкумым кIэух унашъор ыштагъ.
Урысыем и Уголовнэ кодекс ия 159.2-рэ статья ия 3-рэ Iахь зигугъу къышIырэ бзэджэшIагъэр зэрихьагъэкIэ (ахъщэшхо гъэпцIагъэкIэ къызIэкIигъэхьагъэкIэ) ар агъэмысагъ.ЫтхьакIумэхэм дэеу зэрэзэхахырэр, ящэнэрэ купым хэхьэрэ сэкъатныгъэ зэриIэр къэзыгъэлъэгъорэ документ нэпцIхэр М. А. Мамыим Урысые Федерацием пенсиехэмкIэ ыкIи социальнэ страхованием-кIэ и Фонд Адыгэ РеспубликэмкIэ икъутамэ IэкIигъэхьагъэх. Сомэ мин 700-м ехъурэ страховой пенсиер бзылъфыгъэм исчет рагъэхьанымкIэ ахэр лъапсэ хъугъэх.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ зэхищэгъэ уплъэкIунхэм якIэуххэм атетэу уголовнэ Iофыр къызэIуихыгъ ыкIи зэхифыгъ Адыгэ Республикэм хэгъэгу кIоцI IофхэмкIэ и Министерствэ.Теуцожь район хьыкумым бзэджэшIагъэ зезыхьэгъэ М. А. Мамыим сомэ мини 100 тазырэу тырилъхьагъ. Адыгэ Республикэм и Прокуратурэ идаоу сомэ мин 900-м ехъурэ чIэнагъэу Урысые Федерацием пенсиехэмкIэ ыкIи социальнэ страхованиемкIэ и Фонд Адыгэ РеспубликэмкIэ икъутамэ ышIыгъэр М. А. Мамыим къыIыхыжьыгъэным фэгъэхьыгъэр зэшIохыгъэ хъугъэ.