Сомэ мини 120-рэтазырэу тыралъхьагъ

Адыгэкъалэ щыщ илъэс 52-рэ зыныбжь ХъутIыжъ Сусаннэ иуголовнэ IофкIэ Теуцожь район хьыкумым кIэух уна­шъор ышIыгъ.

Урысыем и Уголовнэ кодекс ия 159.2-рэ статья ия 3-рэ Iахь зигугъу къышIырэ бзэджэшIагъэр зэрихьагъэкIэ (ахъщэшхо гъэпцIагъэкIэ къызIэкIигъэхьагъэкIэ) ар агъэмысагъ.Дэеу зэрэзэхихырэр, ящэнэрэ купым хэхьэрэ сэкъатныгъэ зэриIэр къэзыгъэлъэгъорэ документ нэпцI­хэр С. К. ХъутIыжъым Урысые Федерацием пенсиехэмкIэ ыкIи социальнэ страхованиемкIэ и Фонд Адыгэ РеспубликэмкIэ икъутамэ IэкIигъэхьагъэх. Сомэ мин 400-м ехъурэ страховой пенсиер бзылъфыгъэм исчет рагъэхьанымкIэ ахэр лъапсэ хъугъэх.Урысыем щынэгъончъэнымкIэ и Федеральнэ къулыкъу Адыгэ Рес­пуб­ликэмкIэ и ГъэIорышIапIэ зэхищэгъэ уплъэкIунхэм якIэуххэм ате­тэу уго­ловнэ Iофыр къызэIуихыгъ ыкIи зэхифыгъ Адыгэ Республикэм хэ­гъэ­гу кIоцI IофхэмкIэ и Министерствэ.Теуцожь район хьыкумым бзэ­джэ­шIагъэ зезыхьэгъэ С. К. Хъу­тIыжъым сомэ мини 120-рэ тазырэу тырилъхьагъ. Адыгэ Респуб­ликэм и Прокуратурэ идаоу сомэ мин 400-м ехъурэ чIэнагъэу Урысые Федерацием пенсиехэмкIэ ыкIи социальнэ страхованиемкIэ и Фонд Адыгэ РеспубликэмкIэ икъутамэ ышIыгъэр С. К. ХъутIыжъым къы­Iыхыжьыгъэным фэгъэхьыгъэр зэ­шIохыгъэ хъугъэ.