Мыекъуапэ щыщэу илъэс 75-рэ зыныбжь Александр Труновым къыфаIэтыгъэ уголовнэ IофымкIэ Мыекъопэ къэлэ хьыкумым кIэух унашъор ыштагъ.
Урысыем и Уголовнэ кодекс ия 159-рэ статья ия 4-рэ Iахь зигугъу къышIырэ бзэджэшIагъэ зэрихьагъэкIэ (гъэпцIагъэкIэ ахъщэшхо къызIэкIигъэхьагъэкIэ) ар агъэмысагъ.А. И. Труновым, мэкъумэщышIэ хъызмэтшIапIэхэм яассоциациеу «Даховскэм» иIофышIэщтыгъэм, зэдырямылъкоу щыт чIыгухэм иIахьэу ахэлъыр 2007-рэ илъэсым къаIихыжьыгъагъ. Ахэр къызэраIихыжьыгъэр зыушъэфыгъэ хъулъфыгъэм 2024-рэ илъэсым икIэрыкIэу чIыгу Iахьхэр къыфыхагъэкIыжьыгъагъэх.Уголовнэ Iофыр къызэIузыхыгъэр ыкIи зэхэзыфыгъэр Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапI.Урысыем и Уголовнэ кодекс ия 159-рэ статья ия 4-рэ Iахь диштэу Мыекъопэ къэлэ хьыкумым А. И. Труновым илъэси 5 условнэу тырилъхьагъ.
Урысыем щынэгъончъэнымкIэ и Федеральнэ къулыкъуАдыгэ РеспубликэмкIэ и ГъэIорышIапIэ ипресс-къулыкъу