Илъэс 77-рэ зыныбжь бзылъфыгъэм гъэпцIагъэ зыхэлъ бзэджэшIагъэ къыдызэрахьагъэу Урысыем хэгъэгу кIоцI IофхэмкIэ и Министерствэ иотделэу Мыекъуапэ щыIэм идежурнэ часть зыфигъэзагъ.
Ащ къулыкъушIэхэм къазэрафиIотагъэмкIэ, ымышIэрэ горэ къыфытеуи, телекоммуникационнэ компанием иIофышIэу ыкIи иунэ ит телефоныр зэблихъун фаеу къыриIуагъ. Пенсионерхэм фэIо-фашIэхэр ыпкIэ хэмылъэу фагъэцэкIэнхэу гурагъэIуагъ, нэужым тIэкIу тешIагъэу нэмыкI горэ къыфытеуи, икартэ иномерхэр бзэджашIэхэм зыIэкIагъэхьагъэу ыкIи ащ ыцIэкIэ банкым чIыфэ къыIахын алъэкIынэу, гумэкIыгъо хэмыфэным фэшI икартэ илъ ахъщэр декларацие ышIын фаеу къыриIуагъ.ГъэпцIакIохэм къыраIорэр ыгъэцакIэзэ бзылъфыгъэм ыугъоигъэ ахъщэр къырихи, курьерым ритыгъ. Нэужым гъэпцIакIохэм загъэбылъыжьыгъ.Мы хъугъэ-шIагъэмкIэ Мыекъуапэ иполицие уголовнэ Iоф къызэIуихыгъ. ГъэпцIакIом икъычIэгъэщын епхыгъэ Iофтхьабзэхэр зэрахьэх.Адыгеим иполицие икъулыкъушIэхэр цIыфхэм къяджэ сакъыныгъэ къызхагъэфэнэу, зикъэбар амышIэхэрэм цыхьэ афамышIынэу!