Наркотикхэр хэбзэнчъэу къезыгъэкIокIыхэрэм якъыхэгъэщын епхыгъэ Iофтхьабзэхэм адакIоу Урысыем хэгъэгу кIоцI IофхэмкIэ и Министерствэ иотделэу «Адыгейский» зыфиIорэм иподразделение иIофышIэхэм Теуцожь районым щыщ илъэс 43-рэ зыныбжь хъулъфыгъэу ыпэкIэ хьапс зытелъыгъэр къаубытыгъ.
Хъулъфыгъэм ипсэупIэ къызалъыхъум, кIэп ыкIи нэмыкI щыхьагъэхэр къырагъотагъэх. Министерствэм иэксперт-криминалистхэм зэрагъэунэфыгъэмкIэ, ар грамм 630-рэ фэдиз мэхъу.Урысыем хэгъэгу кIоцI IофхэмкIэ и Министерствэ иотделэу «Адыгейский» зыфиIорэм ыугъоигъэ материалхэмкIэ уголовнэ Iоф къызэIуахыгъ. Хъулъфыгъэм илъэсипшIым нэс хьапс къыхьын ылъэкIыщт.