Щэбзэ щэрыонымкIэ Къыблэ ыкIи Темыр-Кавказ федеральнэ шъолъырхэм ячемпионат Адыгеим икъэлэ шъхьаIэ щыкIуагъ. Тиспортсменхэм медалитIу къахьыгъ.
Зэнэкъокъум хэлэжьагъэх Адыгеим, Къэбэртэе-Бэлъкъарым, Краснодар краим, Дагъыстан, Донецкэ Народнэ Республикэм, Волгоград ыкIи Ростов хэкухэм ялIыкIохэр. Олимпийскэ резервым испорт еджапIэу В. С. Максимовым ыцIэ зыхьырэм зыщызыгъасэхэрэм ухьазырыныгъэ дэгъу къагъэлъэгъуагъ, текIоныгъэм фэбэнагъэх. Унэе зэнэкъокъухэм ащытекIуагъ Нил Денисовыр, джащ фэдэу Нил Денисовымрэ Мыгу Аминэрэ тыжьын медальхэр къафагъэшъошагъэх.Тиспортсменхэр зыгъасэхэрэр тренер-кIэлэегъаджэхэу Александр Баламутовымрэ Светлана Баранцевамрэ.
