Классическэ шахматхэмкIэ Адыгеим ичемпионат я 78-у Мыекъуапэ щыкIуагъ.
Ащ пэрытныгъэр щызыубытыгъэр Александр Сергеевыр ары. ЗэкIэмкIи спортсмен 13-мэ зэнэкъокъум зыщаушэтыгъ.Шахматистхэр швейцарскэ шIыкIэм тетэу джэгугъэх. Компьютерыр зыхадэм, чемпионатым ятIонэрэ чIыпIэр къыщыдэзыхыгъэ Вадим Арефьевым апэрэ едзыгъор блитIупщын фаеу хъугъэ. Ащ лъэшэу иягъэ къэкIуагъ, спортсменым дышъэ медалыр IэкIэкIыгъ. Арефьевым зэIукIэгъуих иIагъ, 5-м текIоныгъэр къащыдихыгъ, зым пчъагъэр щызэфэдизыгъ. ЗэкIэмкIи ащ очкоуи 5,5-рэ ригъэкъугъ, зэнэкъокъум апэрэ чIыпIэр къыщыдэзыхыгъэ Александр Сергеевми текIуагъ, ау ятIонэрэ хъугъэ. Даниил Козленкэм джэрз медаль къыхьыгъ, ар Адыгеим гъогогъу пчъагъэрэ ичемпионэу Николай Удовиченкэм ыпэ ишъыгъ.