Теннис цIыкIумкIэ зэнэкъокъухэр республикэм икъэлэ шъхьаIэ щыкIуагъэх.
Къалэу Мыекъуапэрэ Тэхъутэмыкъое районымрэ яспортсмен 13-мэ заушэтыгъ. Ахэр зэнэкъокъум и Урысые едзыгъоу Нижегородскэ хэкум щыкIощтым хэлэжьэнхэм фэбэнагъэх.Бзылъфыгъэхэр пштэмэ, чемпионатым хэлэжьэнымкIэ шапхъэу щыIэхэм адиштэу ахэтыгъэ закъор Людмила Шумскаяр ары. Ар зачетым хэмытэу хъулъфыгъэхэм янэкъокъугъ ыкIи Адыгеим теннис цIыкIумкIэ ифедерацие итынхэр къыфагъэшъошагъэх.ХъулъфыгъэхэмкIэ кIэух едзыгъом нэсыгъэхэр Мыекъуапэ къэзыгъэлъэгъохэрэ Игорь Бутенкэмрэ Валерий Семененкэмрэ. Бутенкэм 3:0-у текIоныгъэр къыдихыгъ. Джэрз медальхэр къахьыгъэх Анатолий Чапуринымрэ (Мыекъуапэ) Егор Ковалевымрэ (Яблоновскэр).