ГандболымкIэ Урысыем ичемпионат и Суперлигэ ипэшIорыгъэшъ едзыгъо рагъэжьагъ. Мыекъопэ «АГУ-Адыифым» иапэрэ ешIэгъу къалэу Ростов-на-Дону щыкIуагъ, къэралыгъом ичемпионэу «Ростов-Доным» IукIагъ.
«Ростов-Дон» — «АГУ-Адыиф» — 33:22 (17:13).Мыекъуапэ игандболисткэхэм мы ешIэгъум очкохэр къыщахьын гухэлъ яIагъ, ау къадэхъугъэп. Бысымхэр хэпшIыкIэу нахь лъэшыгъэх. ЗэIукIэгъум ипэублэ Екатерина Зеленковам, Екатерина Левша ыкIи Юлия Бабенкэм тикомандэ икъэлапчъэ Iэгоуищ къыдадзагъ. «АГУ-Адыфым» щешIэрэ Стефания Белолипецкаям апэрэ Iэгуаор къэлапчъэм дидзагъ. «Ростов-Доныр» зэрэчемпионыр къыгъэшъыпкъэжьыгъ, иешIакIэ ригъэхъузэ джэгугъэ. Пчъагъэр 33:22-у текIоныгъэр къыдихыгъ.
«Ростов-Доным» хэтыгъэх:КъэлэпчъэIутыр — Ясницкаяр. Бабенкэр — 8, Кишко — 8, Шавман — 4, Кожокарь — 3, Левша — 2, Зеленковар — 2, Черненкэр — 2, Стаценкэр — 2, Кайнаровар — 1, Бессалаяр — 1.«АГУ— Адыифым» щешIагъэх:КъэлэпчъэIутхэр — Черницовар, Гобадзе, Черновар. Кирилловар — 5, Белолипецкаяр — 4, Федоровар — 3, Пивень — 2, Бабинар — 2, Краснокутскаяр — 2, Никулинар — 1, Утаровар — 1, Кожубековар — 1, Луганцевар — 1.«АГУ-Адыифым» иешIэкIо анахь дэгъоу алъытагъ къэлапчъэм Iэгоуи 5 (4-р пенальтикIэ) дэзыдзэгъэ Татьяна Кирилловар.Апэрэ турым изэфэхьысыжьхэр:«Черноморочка» (Новороссийск) — «Луч» (Москва) — 35:28, «Звезда» (Звенигород) — «Динамо-Синара» (Волгоград) — 29:27, «Башкирия» (Уфа) — «Астраханочка» (Астрахань) — 30:36, «Лада» (Тольятти) — «Университет» (Ижевск) — 38:19, «Ростов-Дон» (Ростов-на-Дону) — «АГУ-Адыиф» (Мыекъуапэ) — 33:22, «ЦСКА» (Москва) — «Кубань» (Краснодар) — 32:23.«АГУ-Адыифыр» Iоныгъом и 13-м — Волгоград, Iоныгъом и 25-м — Ижевскэ ащешIэщт. Iоныгъом и 30-м «Астраханочкэр» тихьакIэщт.