Урысыем икIэлэеджакIохэм яя XIII-рэ Гъэмэфэ Спартакиадэ икIэух едзыгъо къыдыхэлъытагъэу спорт бэнэнымкIэ зэнэкъокъу Московскэ хэкум икъалэу Раменскэм щыкIуагъ.
Урысыем ишъолъыр 46-мэ яспортсмен 200 фэдизмэ заушэтыгъ, ахэм аныбжь илъэс 16-м шIокIырэп.Зэнэкъокъум хэлэжьагъэхэм яIэпэIэсэныгъэ къагъэлъэгъуагъ, бэнакIо пэпчъ текIоныгъэм фэбэнагъ. Адыгэ Республикэм илIыкIоу Чыжъ Айдар гъэхъэгъэшIу ышIыгъ, ащ тыжьын медаль къыфагъэшъошагъ. Спартакиадэм хагъэунэфыкIырэ чIыпIэ къыщыдэзыхыгъэ тибэнакIо зыгъэхьазырыгъэхэр тренерхэу Тембот Анатолийрэ Тезадэ Хьасанрэ.Тиспортсмен ныбжьыкIэ тыфэгушIо, джыри нахь лъэгэпIэ инхэм анэсынэу, республикэм ыцIэ дахэкIэ раригъэIонэу фэтэIо.
