Хьыкум приставхэм я Федеральнэ къулыкъу Адыгэ РеспубликэмкIэ и ГъэIорышIапIэ икомандэ спорт обществэу «Динамэм» пцэжъыеешэнымкIэ фестивалэу зэхищагъэм тыжьын медаль къыщихьыгъ.
Мыекъопэ районым ипсыуцупIэхэм ащыщ зэнэкъокъухэр щыкIуагъэх ыкIи хэбзэухъумэкIо къулыкъухэм, ветеранхэм, ахэм яунагъохэм арысхэм ащыщхэр ащ хэлэжьагъэх.Фестивалым гухэлъ шъхьаIэу иIагъэр щыIэкIэ-псэукIэ тэрэзым нахьыбэ хэщэгъэныр, пцэжъыеешэн спортым зегъэушъомбгъугъэныр, къулыкъу зэфэшъхьафхэм язэпхыныгъэ гъэпытэгъэныр ары.Нэбгырэ тIурытIоу купи 9 зэнэкъокъум хэлэжьагъ. Пцэжъыеу къыхадзыгъэм ионтэгъугъэ елъытыгъэу чIыпIэхэр агощыгъэх. Адыгеим ихьыкум приставхэм ятIонэрэ чIыпIэр аубытыгъ. Ахэм ашъхьадэкIыгъ Адыгэ Республикэм хэгъэгу кIоцI IофхэмкIэ и Министерствэ. Ящэнэрэр Урысыем пщыныжь ягъэхьыгъэнымкIэ и Федеральнэ къулыкъу Адыгэ РеспубликэмкIэ игъэIорышIапI ары.«Пцэжъые анахь ин» зыфиIорэ лъэныкъомкIэ атекIуагъэр хьыкум приставхэм якоманд ары.ТекIоныгъэр къыдэзыхыгъэхэм кубокхэр, дипломхэр ыкIи бгъэхалъхьэхэр аратыгъэх.Хьыкум приставхэм я Федеральнэкъулыкъу Адыгэ РеспубликэмкIэи ГъэIорышIапIэ ипресс-къулыкъу