Урысыем и Следственнэ комитет Адыгэ РеспубликэмкIэ иследственнэ гъэIорышIапIэ Мыекъопэ районымкIэ иследственнэ отдел иIофышIэхэм Урысые Федерацием и Уголовнэ кодекс ия 238-рэ статья иа 1-рэ Iахь къызэрэдилъытэрэм тетэу унэе предпринимателым уголовнэ Iоф къыфаIэтыгъ, цIыфхэм ящынэгъончъэнкIэ шапхъэхэм адимыштэрэ фэIо-фашIэхэр ащ афызэшIуихыщтыгъэх.
ЗэрагъэунэфыгъэмкIэ, 2026-рэ илъэсым шышъхьэIум и 29-м Ставрополь краим щыщ бзылъфыгъэу илъэси 6 зыныбжь шъэожъые зигъусагъэр Мыекъопэ районымкIэ псэупIэу Каменномостскэм дэт экстрим-паркым зэкIом, аттракционым — хъэреным итIысхьэгъагъ.Хъэреныр къызэуцужьым, инструкторыр лъымыплъэжьэу шъэожъыем зэрэфаеу аттракционым къыщикIухьэу ригъэжьагъ. Хъэреным зышIуанэм, метрэ 50 зилъэгэгъэ бгым къефэхыгъ.Шъэожъыем утынышхо ыхьыгъ, фыкъогъабэ иI. ИщыкIэгъэ медицинэ IэпыIэгъур раты.Следовательхэмрэ криминалистхэмрэ хъугъэ-шIэгъэ тхьамыкIагъом ылъапсэ игъэунэфын Iоф дашIэ.