Адыгеим ихэдзакIохэу лъытэныгъэ зыфэтшIыхэрэр, шъумакъэ зыфэшъутырэм бэкIэ елъытыгъэщт партиеми, хэгъэгуми тапэкIэ къарыкIощтыр!
Тиреспубликэ шIэхэу хъугъэ-шIэгъэшхуитIу къыщыхъущт — Урысые Федерацием и Къэралыгъо Думэрэ Адыгэ Республикэм и Къэралыгъо Совет — Хасэмрэ ядепутатхэр щыхадзыщтых. Къэралыгъор зыгъэлъэшырэр нахьыжъхэм яакъылышIуагъэрэ ныбжьыкIэхэм якъарыушIуагъэрэ ары.Дунэе Iофхэр къызыщыхьылъэгъэ, санкциехэмкIэ, политикэмкIэ тихэгъэгу къызыщытеIункIэхэрэ лъэхъаным хэдзынхэр кIощтых. Украинэм инеонацистхэм ябэныжьыгъэнымкIэ тихэгъэгу гъэхъагъэу иIэхэр зыгу темыфэрэ европэ хэгъэгу заулэ тикъэралыгъо къыпэуцужьы, геополитикэр лъэныкъорыгъазэу пхыращынэу пэхьэх. Хэдзынхэр къызщыблагъэхэрэм Iофхэр тихэгъэгу щызэIагъэхьанэу пылъых. Ахэм апэуцужьын, Урысыем хэхъоныгъэ езыгъэшIын зылъэкIыщтыр цIыфхэм хадзырэ куп лъэшэу опытышIу зиIэр ары. Джары мы хэдзынхэм мэхьанэшхо яIэу зыкIыщытыр. Адыгэ Республикэм инахьыжъхэм я Совет хэтхэм шъори, ныбжьыкIэхэми, апэрэу зымакъэ зытынэу къекIолIэщтхэми мэхьанэшхо зиIэ лъэбэкъур шъудзынэу зыкъышъуфагъазэ. Урысыеми, Адыгеими янеущырэ мафэ зыфэдэ хъущтыр шъо шъуIэ илъ! Тихэгъэгу игъэпытэн хэшъушIыхьэрэм изы Iахьэу а лъэбэкъур орэхъу!2026-рэ илъэсым Iоныгъом и 18-м, и 19-м, и 20-м хэдзэкIо пстэури хэдзыпIэ чIыпIэхэм къякIолIэнхэу, япшъэрылъ агъэцэкIэнэу, Урысые Федерацием и Къэралыгъо Думэрэ Адыгэ Республикэм и Къэралыгъо Совет — Хасэмрэ ядепутатхэр хадзынхэу тыкъяджэ. Урысыемрэ Адыгеимрэ янеущырэ мафэ шъумакъэ фэшъут!
ГъукIэлI Нурбый.Адыгэ Республикэм инахьыжъхэм я Совет итхьамат.