Адыгеир Москва къыщагъэлъэгъуагъ

ХэушъхьафыкIыгъэ дзэ операцием иветеранхэм я Урысые форумэу «Тызэгъусэу тытекIощт» зыфиIорэр Москва щыкIуагъ. Федеральнэ ыкIи шъолъыр хэбзэ къулыкъушIэхэр, ветеранхэр, Урысыем ишъолъыр зэфэшъхьафхэм къарыкIыгъэ общественнэ организациехэм ыкIи экспертхэм ялIыкIохэр Iофтхьабзэм зэфищагъэх.

Мы илъэсым апэрэу форумым унагъо­хэр хэлэжьагъэх, ащ ишIуагъэкIэ дзэ операцием иветеранхэм ягупсэхэр ягъу­са­гъэх. КIэлэцIыкIухэм хэушъхьафыкIыгъэ программэ бай афагъэхьазырыгъагъ. НыбжьыкIэ цIыкIухэр къэгъэлъэгъонхэм ащыIагъэх, спорт Iофтхьабзэхэм, мастер-классхэм ахэлэжьагъэх, джырэ технологиехэм нэIуасэ афашIыгъэх.Адыгеир форумым къыщагъэлъэгъуагъ хэушъхьафыкIыгъэ дзэ операцием иветеранхэу Тутарыщ Ибрахьимэ, Илья Старченковым, шъолъыр фондым исоциальнэ координаторэу Сергей Артю­шенкэм ыкIи ахэм зынаIэ атетыгъэ фондэу «Хэгъэгъум иухъумакIохэр» зыфиIорэм ишъолъыр къутамэ общественнэ проектхэмкIэ ипащэ игуадзэу Джарымэ Еленэ.Хэгъэгум иухъумэкIо нэбгырэ пэпчъ мы дэкIыгъор якъулыкъу ыуж ягъогу пыдзэжьыгъо фэхъугъ.Тутарыщэ Ибрахьимэ уIэгъэ хьылъэу къытыращагъэм къыхэкIыкIэ ылъакъо пахынэу хъугъэ. Непэ ар ипсауныгъэ зыпкъ ригъэуцожьыным ыкIи щыIэны­гъэм зыкъыхигъотэным ыуж ит. Зыхэлэжьэгъэ Iофтхьабзэм ишIуагъэкIэ нэмыкI шъолъыр­хэм къарыкIыгъэ ветеранхэм ар гущыIэгъу афэхъугъ, ахэм яIэпэIэсэныгъэ зэригъэшIагъ, щыIэныгъэм къызэрэщышъхьэпэн ылъэкIыщтым зыщигъэгъозагъ.Илья Старченковыр лагъымэ къаом зыхафэм, ипсауныгъэ зэщыкъуагъ. Форумым хэлэжьэрэ ветеранхэм адэгущыIэзэ, зыгъэгумэкIырэ лъэныкъохэм акIэ­упчIагъ ыкIи ухъумакIохэм мурадыкIэхэр зыфагъэуцужьынхэмкIэ проектэу пхыращыхэрэм защигъэгъозэн амал иIагъ.Сергей Артюшенкэм ветеран сообществэм щигъэцэкIэрэ IофшIэныр лъигъэ­кIотэнымкIэ форумыр къышъхьэпагъ. Шъолъыр фондым исоциальнэ координаторэу зэрэщытым къыхэкIэу ар ветеранхэм ыкIи ахэм яунагъохэм мафэ къэс Iоф адишIэнэу мэхъу, арышъ, шъолъырхэм къарыкIыгъэ иIофшIэгъухэм яIэпэIэсэны­гъэ­кIэ зэдэгощэнхэм ежьыкIэ мэхьанэ иIагъ.Программэм ихъугъэ-шIэгъэ шъхьаIэ­хэм зэу ащыщ хэушъхьафыкIыгъэ дзэ операцием иветеранхэр УФ-м IэкIыб къэралыгъо IофхэмкIэ иминистрэу Сергей Лавровым ыкIи фондэу «Хэгъэгум иухъумакIохэр» зыфиIорэм итхьаматэу Анна Цивилевам зэIукIэгъу зэрадыряIагъэр. Ащ ветеранэу Сергей Артюшенкэр хэлэжьагъ. Федеральнэ хэбзэкъулыкъу­шIэхэм адэгущыIэн, ветеранхэм IэпыIэгъу афэхъугъэным, сэнэхьат хэхъоныгъэ ашIыным, патриотическэ пIуныгъэм яIо­фыгъохэр адызэхафын амал зэIукIэгъум къаритыгъ.2024-рэ илъэсым къыщегъэжьагъэу сэнэхьат тедзэ ягъэгъотыгъэнымкIэ Къэ­ралыгъо фондым пхырищырэ программэу «Къэлэ инфраструктурэм игъэIорышIэн ыкIи чIыпIэхэм хэхъоныгъэ ашIыныр» зыфиIорэм хэушъхьафыкIыгъэу тегущыIагъэх. А программэмкIэ ветеран 90-мэ еджэныр акIугъ. Джыри ащ илъэныкъохэм ыкIи хэлэжьэрэ нэбгырэ пчъагъэм зырагъэушъомбгъун гухэлъ яI.— ЗэIукIэгъур купкI ыкIи псэ хэлъэу рекIокIыгъ. Къэралыгъо зэфэшъхьафхэм ялIыкIохэм гущыIэгъу афэхъузэ, иIофшIэнкIэ зэригъэгъотыгъэ IэпэIэсэныгъэм Сергей Лавровыр къытегущыIагъ, тарихъым, хэгъэгум щыхъурэм, ахэм япхыгъэу тикъэралыгъо унашъоу ышIыхэрэм ушъхьагъоу афэхъухэрэр къыIотагъ. Урысыем итарихъ дэгъоу зэришIэ­рэр ыкIи зэрэфэгумэкIырэр ащ ипсалъэ къыщыхэщыгъ, — къыIуагъ Сергей Артюшенкэм.Социальнэ хэгъэгъозэным, сэнэхьатхэм афырагъэджэнхэм, унэгъо IэпыIэ­гъум, общественнэ IофшIэным, шIэжьыр къызэтегъэнэгъэным яIофыгъохэр форумым ипрограммэ къызэлъиубытыгъэх.Къэралыгъо фондэу «Хэгъэгум иухъу­макIохэм» итхьаматэу Анна Цивилевам ветеранхэр ыкIи общественнэ организациехэм ялIыкIохэр игъусэхэу ухъумакIо­хэм яунэ къызагъэзэжьыкIэ ясэнэхьат епхыгъэу IофшIэн агъотыным, унэгъо шэн-хэбзэшIухэр, культурнэ кIэныр къызэтегъэнэгъэнхэм зэхэсыгъоу «СВОИ» зыфиIорэм щатегущыIагъэх.Iофтхьабзэм чIыпIэ щиубытыгъ «Бзылъфыгъэ зыкIыныгъэм ыкIуачI» зыфиIорэм. Ащ лIыхъужъхэм янэхэр ыкIи яшъхьэгъу­сэхэр, фондым исоциальнэ координаторхэр, хэбзэ къулыкъухэм, общественнэ ыкIи гуфэкIо организациехэм ялIыкIохэр зэфищагъэх.— Къиныгъор зэпычыгъэн закъор арэп бзылъфыгъэ кIуачIэр къызщылъагъорэр. Мэхьанэ зиIэр анахь къиныгъо пстэуми ауж бзылъфы­гъэхэм гъэхъагъэхэр ашIынхэу кIуа­чIэ къызэрэзыхагъуатэрэр ары: кIэлэцIыкIухэр апIух, социальнэ гукъэкI­хэр пхыращых, ягупсэхэм яшIэжь къаухъумэ ыкIи къыткIэхъухьэхэрэм алъагъэIэсы, — хигъэунэфыкIыгъ Анна Цивилевам.Шъолъыр фондэу «Хэгъэгум иухъумакIохэм» форумым шIэныгъэу щигъотыгъэр тапэкIэ иIофшIэн щигъэфедэнымкIэ мэхьанэ иI. НэIосакIэхэм, гукъэкIыкIэхэм ыкIи IофшIэнымкIэ шъолъырхэм яIэпэIэсэныгъэу зэIэпахыгъэм яшIуагъэ­кIэ хэушъхьафыкIыгъэ дзэ операцием иветеранхэм, яунагъохэм IэпыIэгъу афэхъу­гъэнхэм иамалхэм зарагъэушъом­бгъущт.IЭШЪЫНЭ Сусан.