Кощхьэблэ районыр
Тыгъэгъазэм иIухыжьын республикэм щырагъэжьагъ. Кощхьэблэ, Джэджэ ыкIи Теуцожь районхэм губгъо IофшIэнхэр ащэкIох.
Кощхьэблэ районым гектар мини 9200-м ехъум тыгъэгъазэр щапхъыгъ. Ащ щыщэу гектар 364-м мы лэжьыгъэр щаугъоижьыгъ. Зы гектарым гурытымкIэ центнер 19,2-рэ къырахы. Аугъоижьыгъахэр тонн 700-м ехъугъ. Районыр ищыкIэгъэ мэкъумэщ техникэм щыкIэрэп. Ом изытет пэрыохъу афэмыхъоу, игъом IофшIэнхэр зэкIэ зэшIуахынэу чIыгулэжьхэр мэгугъэх.Тыгъэгъазэр нахьыбэу зыщашIагъэр Джэджэ районыр ары. Дагъэ зыхашIыкIырэ къэкIырэ лъэпкъым чIыгу гектар 12655-рэ фыхахыгъ. Мы уахътэм ехъулIэу гектар 400-м IофшIэнхэр ащызэшIуахыгъах. Лэжьыгъэ тонн 1000-м ехъу районым щаугъоижьыгъах. Зы гектарым центнер 28,6-рэ къытырахы.Тыгъэгъазэм иIухыжьынкIэ апэрэ лъэбэкъухэри ешIых Теуцожь районым. Мыщ щыIуахыжьыгъэр гектар 25-рэ ныIэп. Ау аугъоижьырэ гъэбэжъум къытырэ пчъагъэм чIыгулэжьхэр егъэразэх. ГурытымкIэ зы гектарым центнер 32-рэ къырахы.Джащ фэдэу хэтэрыкI зэфэшъхьафхэр, натрыфэу былым Iус хъущтыр республикэм игубгъохэм ащаугъоижьы. КъыдагъэкIыжьыщт натрыфыри, соери Джэджэ районым щыIуахыжьынэу аублагъ.Цэй Замир.