ДзюдомкIэ я 13-рэ зэнэкъокъухэу СССР-м изаслуженнэ тренерэу, я 20-рэ лIэшIэгъум дзюдомкIэ итренер анахь дэгъоу алъытэгъэ Кобл Якъубэ ишIэжь фэгъэхьыгъэхэр Адыгэ къэралыгъо университетым и Ордэунэ щыкIуагъэх.
Урысыем ишъолъыр 23-мэ яспортсмен 246-мэ заушэтыгъ, ахэм янахьыбэр Къыблэ ыкIи Темыр-Кавказ федеральнэ шъолъырхэм ялIыкIох. Адыгеим идзюдоист 30 турнирым хэлэжьагъ, ахэм ащыщэу плIыр бзылъфыгъэх. Республикэм испортсменхэм хагъэунэфыкIырэ чIыпIитф къыдахыгъ. Джэрз медальхэр къафагъэшъошагъэх Тао Инал, Рамазан Хидировым ыкIи Мыс Казбек. Зэшыпхъухэу Камилла ыкIи Милана Дзагаловхэм тыжьын медальхэр къахьыгъэх.ХъулъфыгъэхэмкIэ команднэ зэнэкъокъухэм пэрытныгъэр щаубытыгъ Ингушетием ыкIи Темыр Осетием — Аланием. Ахэм ялIыкIохэм дышъэ медаль тIурытIу афагъэшъошагъ. Краснодар кра-им ибзылъфыгъэ командэ анахь лъэшыгъ, ащ апэрэ чIыпIибл къыхьыгъ.ХагъэунэфыкIырэ чIыпIэхэр къыдэзыхыгъэхэм зэкIэми медальхэр, щытхъу тхылъхэр ыкIи ахъщэ шIухьафтынхэр афагъэшъошагъэх, чемпионхэм — сомэ мин 50 зырыз.